Weather Update : विदर्भ, मराठवाड्यात वादळी पाऊस आणि गारपिटीने तडाखा दिल्यानंतर आता पुन्हा सूर्य तळपण्याचे संकेत आहेत. आज (ता. २१) राज्यात ढगाळ हवामानासह उन्हाचा चटका, उकाडा कायम राहण्याचा अंदाज हवामान विभागाने वर्तविला आहे.

पश्चिम विदर्भ आणि परिसरावरील चक्राकार वाऱ्यांची स्थिती उत्तर तेलंगणा परिसरावर सक्रिय आहे. या चक्राकार वाऱ्यांपासून दक्षिण केरळपर्यंत हवेचा कमी दाबाचा पट्टा कायम आहे. मध्य प्रदेशापासून दक्षिण आसामपर्यंत हवेचा कमी दाब पट्टा तयार झाला आहे. राज्यात सुरू असलेला वादळी पाऊस उघडीप देण्याचे संकेत आहेत.

बुधवारी (ता. २०) सकाळपर्यंतच्या २४ तासांत वाशीम येथे राज्यातील उच्चांकी ३८.६ अंश सेल्सिअस तापमानाची नोंद झाली. कमाल आणि किमान तापमानात चढ-उतार सुरूच असून, राज्यात उन्हाचा चटका कायम आहे. वादळी पाऊस उघडीप देण्याची शक्यता असून, राज्यात उन्हाची ताप वाढण्याचा अंदाज आहे.

बुधवारी (ता. २०) सकाळपर्यंतच्या २४ तासांमध्ये नोंदले गेलेले कमाल तापमान (अंश सेल्सिअसमध्ये) : पुणे ३५.८, नगर ३५.०, धुळे ३६.०, जळगाव ३६.७, कोल्हापूर ३६.१, महाबळेश्वर ३०.८, नाशिक ३५.५, निफाड ३४.१, सांगली ३७.२, सातारा ३७.२, सोलापूर ३८.४, सांताक्रूझ ३४.२, डहाणू ३२.५, रत्नागिरी ३१.९, छत्रपती संभाजीनगर ३५.४, नांदेड ३६.४, परभणी ३७.७, अकोला ३७.३, अमरावती ३५.२, बुलडाणा ३४.७, ब्रह्मपुरी ३६.२, चंद्रपूर ३४.४, गडचिरोली ३२.०, गोंदिया ३१.०, नागपूर ३२.६, वर्धा ३४.९, वाशीम ३८.६, यवतमाळ ३७.०.