drumstick price: बाजारातील शेवग्याची आवक कमीच आहे. त्यामुळे शेवग्याचे भावही तेजीतच आहेत. शेवगा आजही ५ हजार ते ६ हजार रुपये प्रतिक्विंटलच्या दरम्यान विकला गेला. देशात यंदा बटाटा उत्पादन चांगले झाले. देशातील महत्वाच्या बटाटा उत्पादक उत्तर प्रदेश आणि पश्चिम बंगालमध्ये उत्पादन वाढल्याचे शेतकरी सांगत आहेत. त्यामुळे बाजारातील बटाटा आवकही चांगली आहे. बटाट्याला सध्या प्रतिक्विंटल सरासरी १५०० ते २ हजार रुपयांच्या दरम्यान भाव मिळत आहे. देशातील बाजारात नव्या मालाची आवक आणि सरकारने लादलेले स्टाॅक लिमिट यामुळे गव्हाचे भाव स्थिरावले आहेत. गव्हाचे भाव मागील महिनाभरात जवळपास २०० रुपयांनी कमी झाले आहेत. सध्या गहू २ हजार २०० ते २ हजार ५०० रुपयांच्या दरम्यान विकला जात आहे. राज्यातील बाजारात मागील काही आठवड्यांपासून हिरव्या मिरचीची आवक कमीच आहे. तर दुसरीकडे मागणी आहे. त्यामुळे हिरवी मिरची ३ हजार ते ३ हजार ५०० रुपयाने विकली जात आहे. बाजारातील पेरुची आवक मागील ३ आठवड्यांपासून मर्यादीत दिसत आहे. पावसामुळे पेरुला उठावही कमी आहे. सध्या पेरू ३ हजार ते ४ हजार रुपये प्रतिक्विंटलने विकला जात आहे.