Raigad News: गावातील तंटे गावातच मिटावे व गावात शांतता निर्माण व्हावी, यासाठी १५ ऑगस्ट २००७ पासून गावागावात महात्मा गांधी तंटामुक्त समिती स्थापन करण्यात आल्या. रायगड जिल्ह्यात सुरुवातीच्या कालावधीत या अभियानास चांगला प्रतिसाद मिळाला, परंतु त्यानंतर राजकीय लोकांच्या हस्तक्षेपामुळे तंटामुक्त समित्यांचा कारभार संशयास्पद होऊ लागला. .जनतेचा विश्वास गमावलेल्या एकाही तंटामुक्त गाव समितीचा कारभार रायगड जिल्ह्यात नाही. यामुळे गावातील तंटे पोलिस ठाण्यापर्यंत पोहचले आहेत. कोणत्याही क्षुल्लक कारणाने पोलिस ठाण्यापर्यंत धाव घेतली जात असल्याने पोलिसांच्याही कामावर ताण पडू लागला आहे. पोलिस ठाण्यात सतत गावातील किरकोळ वादाच्या तक्रारी येत असल्याने तंटामुक्ती समिती केवळ आता कागदावरच उरली आहे..Lakshmi Mukti Scheme: मोफत करा महिलांच्या नावावर सातबारा; सरकारची महिला सक्षमीकरणासाठी लक्ष्मी मुक्ती योजना.रायगड जिल्ह्यात २०१६ पासून या समित्यांचा कारभार टप्प्याटप्प्याने कमी होत गेला. सध्या एकाही तंटामुक्त समितीला सरकारी अनुदान दिला जात नसल्याचे जिल्हा पोलिस अधीक्षक कार्यालयातून सांगण्यात आले. महात्मा गांधी तंटामुक्त गाव अभियानाच्या माध्यमातून गावागावांमध्ये नेमलेल्या तंटामुक्त समित्या पूर्वी जोमाने काम करीत होत्या..Marathwada Mukti Sangram Din 2024 : मराठवाड्याच्या विकासासाठी १४३४ कोटींची तरतूद : मुख्यमंत्री शिंदे .अलीकडे गावातील तंट्यांकडे या समित्यांचे दुर्लक्ष झाले आहे. गावागावातील तंटामुक्त समितीचे अस्तित्वही गायब झाले आहे. शेताच्या हद्दीवरून, सांडपाण्यावरून, घराच्या बांधकामावरून ग्रामपंचायत, सेवासंस्था, जमिनीच्या खरेदी-विक्रीतून नेहमीच वाद होत आहेत. होणारे वाद तंटामुक्त समितीचे अध्यक्ष व सदस्य सामोपचाराने गावातल्या गावातच मिटवत होते. निधी नसल्यामुळे समितीतील अध्यक्ष व सदस्यांनी आता याकडे दुर्लक्ष केले आहे..जातीय सलोखागावपातळीवर एकोपा निर्माण होऊन जातीय सलोखा कायम ठेवणे, हा या अभियानाचा मुख्य उद्देश होता. यासाठी ग्रामपातळीवर तंटामुक्त समित्या स्थापन करून अध्यक्ष, उपाध्यक्ष, सचिव व सदस्यांची निवड केली होती. त्यानंतर या मोहिमेला चांगला प्रतिसाद मिळाला होता. तसेच गावातील तंटे गावातच मिटू लागल्याने पोलिसांवरचा ताण कमी होऊन जातीय सलोखा राखला जाऊ लागला होता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
