cabbage rate: कोबीचे बाजारभाव मागील काही दिवसांपासून टिकून आहेत. बाजारातील कोबीची आवक सरासरीच आहे. कोबीला बाजारात सध्या सरासरी ८०० ते १ हजार रुपयांच्या दरम्यान दर मिळत आहेत. देशातील गव्हाचे उत्पादन वाढल्यानंतरही दर तेजीत होते. गव्हाचे भाव आजही सरासरी २ हजार ५०० ते २ हजार ७०० रुपयांच्या दरम्यान आहेत. सरकारची खरेदीही ३०० लाख टनांच्या दरम्यान झाली. गाजराची बाजारातील आवक मागील काही आठवड्यांपासून कमी झाली आहे. सध्या बाजारात गाजर प्रतिक्विंटल सरासरी २ हजार ते २ हजार ५०० रुपयांच्या दरम्यान विकले जात आहे. जांभळाचा हंगाम आता सुरु झाला. सध्या बाजारातील आवक कमी आहे. जांभळाला सध्या गुणवत्तेप्रमाणे ६ हजार ते १२ हजार रुपये प्रतिक्विंटलच्या दरम्यान भाव मिळत आहे. ज्वारीचे उत्पादन चांगले झाल्याने दरावर दबाव असल्याचे दिसत आहे. रब्बीच्या ज्वारीची बाजारात आवक सुरु झाल्यानंतर दरावर दबाव वाढला होता. दरपातळी २०० ते ३०० रुपयांनी कमी झाली होती. ज्वारीच्या दरावरील दबाव आजही कायम आहे. ज्वारीला सरासरी प्रतिक्विंटल २६०० ते २८०० रुपयांच्या दरम्यान आहेत.