Kolhapur News: रानकंदमुळांची ओळख आणि आहारातील वापर याबाबत जनजागृती होण्यासाठी येथे शनिवारपासून (ता.१४) दोन दिवसीय कंदमुळांच्या प्रदर्शनाचे आयोजन करण्यात आले आहे. ‘निसर्गअंकुर’ संस्थेच्या मार्गदर्शनाखाली ‘कोल्हापूर वुई केअर’ आणि ‘एनजीओ कम्पॅशन २४’ तसेच श्री. शाहू छत्रपती शिक्षण संस्था, गार्डन्स क्लब, युथ ऍनेक्स, वुई केअर हेल्पलाइन या संस्थांच्या सहकार्याने या प्रदर्शनाचे आयोजन करण्यात आले आहे. .शहाजी कॉलेजच्या यशवंतराव चव्हाण सभागृह दसरा चौक येथे प्रदर्शन होणार आहे. अडीचशेहून अधिक कंदमुळांची माहिती यात असणार आहे. हे प्रदर्शन सर्वांसाठी खुले तसेच प्रवेश विनामूल्य आहे. वेळ सकाळी १० ते सायंकाळी ७ पर्यंत असेल..Flame Of The Forest: वसंत ऋतूतनिसर्गाचा रंगोत्सव.विशेष पोलिस महानिरीक्षक सुनील फुलारी, कोल्हापूरच्या महापौर रूपाराणी निकम, अतिरिक्त जिल्हाधिकारी संजय शिंदे, शाहू एज्युकेशन सोसायटीचे चेअरमन मानसिंग बोंद्रे, शहाजी कॉलेजचे प्राचार्य डॉ. आर. के. शानेदिवाण, मुद्रांक जिल्हाधिकारी बाबासाहेब वाघमोडे, सिद्धगिरी नर्सरीचे सतीश कुलकर्णी यांच्या विशेष उपस्थितीत उद्घाटन होणार आहे, अशी माहिती वुई केअरचे प्रमुख मिलिंद धोंड यांनी दिली. मोहन माने यांच्या प्रयत्नातून हे प्रदर्शन भरवण्यात येणार आहे..शतावरी, अमरकंद, सफेद मुसळी, पेन्वा, कळलावी, भुईकोहळा, कोष्ठकुलिंजन इत्यादी वनस्पतींच्या कंदाचा औषधात वापर केला जातो. गाजर, मुळा, बीट, आले, हळद, कांदा, लसूण इत्यादी वनस्पतींच्या कंदाचा आहारात वापर केला जातो. अळू ,कमळकाकडी, शेवळा, सुरण हे कंद भाजीसाठी वापरतात. साबुकंदापासून साबुदाणा तयार करतात. मानवी आहारात उपयुक्त असणाऱ्या अशा बहुतांश कंदवर्गीय वनस्पतींची शेतात लागवड केली जाते..Food Grain Production: देशात दहा वर्षांत धान्योत्पादनात ४४ टक्के वाढ, कृषिमंत्री चौहान यांची लोकसभेत माहिती.प्रदर्शनात कोणती कंदमुळे असणार?प्रदर्शनात कणगा, काटे कणंग, कोराडू, करांदा, वराहकंद, वासकंद, पासपोळी, शेंडवेल, कडुकंद, आळसी, शेवळा, सुरण या वनस्पतींची कंदमुळे हवाई बटाटे, कंदिका आणि कंदक तसेच मोठा कासार अळू, काळा अळू, हिरवा अळू, पांढरा पेरव, उंडे, शेडवाळे असे अळूचे विविध प्रकार आणि त्यांचे कंद असणार आहेत. .तसेच काळी हळद, आंबेहळद, रानहळद यांसारखे हळदीचे विविध प्रकार व त्यांचे कंद तसेच अमेरिकन अळू, चिनी बटाटे प्रदर्शनात असणार असल्याची माहिती वनस्पती तज्ज्ञ, निसर्गअंकुर संस्थेचे अध्यक्ष प्राचार्य डॉ. मधुकर बाचुळकर यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
