Onion Cultivation: सरकारने म्हटल्याप्रमाणे रब्बीत काही दिवस सोडले तर उत्पादन कमी असल्याने सरासरीपेक्षा चांगला भाव बाजारात दिसला. त्यामुळे शेतकऱ्यांनी जास्त माल विकला. शेतकऱ्यांकडे आता कमी माल आहे. हा माल व्यापाऱ्यांच्या आणि स्टाॅकीस्टच्या हाती गेला, असेही काही शेतकऱ्यांनी सांगितले. त्यामुळे पुढील काळातही बाजारात आवकेचा दबाव दिसणार नाही. पण अनेकदा बाजारात वेगवेगळ्या प्रकाराने चलाखी केली जाते. त्याकडे शेतकऱ्यांनी लक्ष ठेऊन टप्प्याटप्प्याने माल विकल्यास फायदेशीर ठरू शकते.