Zilla Parishad : अमरावती मुदत संपलेल्या आणि निवडणुका रखडलेल्या जिल्ह्यातील ५५१ ग्रामपंचायतींचा कारभार आता १७४ शासकीय अधिकाऱ्यांकडे सोपविण्यात आला आहे. जिल्हा परिषदेच्या विविध विभागांतील अधिकाऱ्यांची प्रशासक म्हणून नियुक्ती करण्यात आली असून, एका अधिकाऱ्याकडे सरासरी तीनपेक्षा अधिक ग्रामपंचायतींची जबाबदारी देण्यात आली आहे..जिल्ह्यातील ७ ते १७ फेब्रुवारीदरम्यान मुदत संपलेल्या ग्रामपंचायतींचा कारभार यापूर्वी सरपंच, उपसरपंच आणि सदस्यांच्या प्रशासक मंडळाकडे सहा महिन्यांसाठी सोपविण्यात आला होता. या प्रशासक मंडळाची मुदत २६ ऑगस्ट रोजी संपल्यानंतर ग्रामपंचायतींचा कारभार पुन्हा शासकीय अधिकाऱ्यांकडे देण्यात आला आहे. याबाबत जिल्हा परिषदेच्या मुख्य कार्यकारी अधिकाऱ्यांच्या स्वाक्षरीने आदेश काढण्यात आले आहेत. नियुक्त करण्यात आलेल्या प्रशासकांचा कार्यकाळ राजपत्रात अधिसूचना प्रसिद्ध झाल्याच्या दिनांकापासून सहा महिन्यांचा राहणार आहे..Gram Panchayat Administrator Term: ९८० ग्रामपंचायतींच्या प्रशासकांची मुदत संपली.दरम्यान, ५५१ ग्रामपंचायतींच्या तुलनेत केवळ १७४ अधिकाऱ्यांची नियुक्ती झाल्याने एका प्रशासकाकडे एकापेक्षा अधिक ग्रामपंचायतींची जबाबदारी सोपविण्यात आली आहे. .Gram Panchayat Administrator: कृषी अधिकाऱ्यांचीही ग्रामपंचायतींच्या प्रशासकपदी नियुक्ती होणार.ग्रामपंचायतींचा कारभार लोकप्रतिनिधींकडून शासकीय अधिकाऱ्यांकडे गेल्याने आता रखडलेल्या निवडणुका कधी होणार, याकडे ग्रामस्थांसह स्थानिक राजकीय पदाधिकाऱ्यांचे लक्ष लागले आहे..अशी आहे अधिकाऱ्यांची नियुक्तीविस्तार अधिकारी (पंचायत) २०, विस्तार अधिकारी पंचायत (सांख्यिकी) १७, विस्तार अधिकारी पंचायत (आरोग्य) २७, विस्तार अधिकारी पंचायत (कृषी) २४, विस्तार अधिकारी पंचायत (शिक्षण) १६, कृषी अधिकारी ७, सहायक अभियंता १२, कनिष्ठ अभियंता १८, अंगणवाडी पर्यवेक्षिका १०, सहायक प्रशासन अधिकारी ६, कनिष्ठ प्रशासन अधिकारी ७, शाखा अभियंता ४, केंद्रप्रमुख ५ आणि सहायक गटविकास अधिकारी (बीडीओ) एक, अशा एकूण १७४ अधिकाऱ्यांची प्रशासक म्हणून नियुक्ती करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
