Crop Survey : वर्धा सेलू तालुक्यातील कान्हापूर येथे जिल्हाधिकारी वाल्मथी सी. यांनी शेतांच्या बांधावर जाऊन सोयाबीन, कापूस आणि तूर पिकांची पाहणी केली. यावेळी शेतकऱ्यांनी पावसाच्या अनियमिततेमुळे सोयाबीनच्या उत्पादनात घट होण्याची शक्यता व्यक्त केली..जिल्हाधिकाऱ्यांनी प्रत्यक्ष शेतात जाऊन पिकांची वाढ, सद्यस्थिती, कीड-रोगांचा प्रादुर्भाव आणि पावसाची परिस्थिती याबाबत शेतकऱ्यांकडून माहिती घेतली. यावेळी शेतकऱ्यांनी यंदा एल निनोच्या प्रभावामुळे पावसाचे प्रमाण आणि वितरण अनियमित झाल्याचे सांगितले. सेलू तालुक्यात सुमारे २० ते २५ दिवस पाऊस न झाल्याने सोयाबीन पिकावर त्याचा मोठा परिणाम झाला आहे. पावसाच्या दीर्घ खंडामुळे सोयाबीनला शेंगा धरण्याचे प्रमाण २५ ते ३० टक्क्यांनी घटले असून, त्याचा परिणाम उत्पादनावर होण्याची शक्यता आहे. यंदाच्या हंगामात सोयाबीनच्या उत्पादनात ३० ते ३५ टक्के घट होण्याचा अंदाज शेतकऱ्यांनी जिल्हाधिकाऱ्यांसमोर व्यक्त केला..Rainfall Deficit: सोयाबीन सलाइनवर; कपाशीची वाढ खुंटली.पिकांची सद्यस्थिती, संभाव्य नुकसान आणि शेतकऱ्यांच्या अडचणींची त्यांनी प्रत्यक्ष माहिती घेतली. कृषी विभागाच्या अधिकाऱ्यांनी पिकांवरील कीड-रोगांच्या नियंत्रणासाठी शेतकऱ्यांना वेळोवेळी तांत्रिक मार्गदर्शन दिले जात असल्याचे सांगितले. पिकांच्या स्थितीवर सातत्याने लक्ष ठेवून आवश्यक त्या उपाययोजना करण्याच्या सूचना जिल्हाधिकाऱ्यांनी संबंधित यंत्रणेला दिल्या..Kharif Crop Survey: तालुका समित्यांनी वस्तुनिष्ठ पीक पाहणी अहवाल द्यावा : कीर्ती किरण पुजार.या पाहणी दौऱ्यात सहायक जिल्हाधिकारी तथा उपविभागीय अधिकारी कुश मोटवानी, तहसीलदार डॉ. शकुंतला पराजे, तालुका कृषी अधिकारी आर. टी. राऊत, मंडळ अधिकारी पिसुड्डे, उपकृषी अधिकारी खंडू काळे, उपकृषी अधिकारी अनिल राठोड, सहायक कृषी अधिकारी कुंदन धमाने, ग्राम महसूल अधिकारी कडू यांच्यासह परिसरातील शेतकरी उपस्थित होते..जिल्हा प्रशासनाने थेट शेताच्या बांधावर येऊन पिकांची पाहणी करून शेतकऱ्यांच्या अडचणी जाणून घेतल्याबद्दल परिसरातील शेतकऱ्यांनी समाधान व्यक्त केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
