urad price: वाढती आयात आणि देशातील बाजारातील आवक यामुळे उडदाचे भाव दबावात आहेत. सध्या उडदाला हमीभावापेक्षा कमी एक हजार ते दीड हजार रुपये कमी भाव मिळत आहे. बाजारात सध्या उडीद ६ हजार ते ६ हजार ५०० रुपयाने विकला जात आहे. बाजारातील शेवग्याची आवक कमीच आहे. त्यामुळे शेवग्याचे भावही तेजीतच आहेत. शेवगा आजही ५ हजार ते ६ हजार रुपये प्रतिक्विंटलच्या दरम्यान विकला गेला. लसणाच्या बाजारात मागील काही दिवसांपासून सुधारणा दिसून आली. लसणाच्या भावात दोन आठवड्यांमध्ये सरासरी ५०० ते १ हजार रुपयांची वाढ दिसून आली. लसणाचे भाव राज्यातील बहुतांशी बाजारांमध्ये सध्या ७ हजार ते ८ हजार रुपये प्रतिक्विंटलच्या दरम्यान होते. देशात यंदा बटाटा उत्पादन चांगले झाले. बटाट्याला सध्या प्रतिक्विंटल सरासरी १५०० ते २ हजार रुपयांच्या दरम्यान भाव मिळत आहे. डाळिंबाची बाजारातील आवक मर्यादीतच आहे. त्यामुळे डाळिंबाचे भाव तेजीत आहेत. सध्या डाळिंब ७ हजार ते १२ हजार रुपये प्रतिक्विंटलने विकले जात आहे.