carrot market rate: बाजारातील गाजराची आवक कमीच आहे. सध्या गाजर १ हजार ७०० ते २ हजार २०० रुपयांच्या दरम्यान विकले जात आहे. भेंडीचे दर मागील २ आठवड्यांपासून बाजारात टिकून आहेत. सध्या भेंडीला २ हजार ५०० ते ३ हजार रुपये दर मिळत आहे. आले पिकाच्या दरातील घसरणीमुळे शेतकऱ्यांची चिंता वाढली होती. आल्याच्या भावात मागील महिन्याच्या तुलनेत १०० ते ३०० रुपयांपर्यंत सुधारणा झाली आहे. सध्या प्रतिक्विंटल २ हजार ५०० ते ३ हजार ५०० रुपयांपर्यंत दर मिळत आहे. मक्याला देशात चांगली मागणी आहे. सध्या मका २ हजार १०० ते २ हजार ३०० रुपयांच्या दरम्यान विकला जात आहे. उडदाचे भाव मागील २ महिन्यांपासून दबावातच आहेत. देशातील बाजारात सध्या उडदाला सरासरी ६ हजार ३०० ते ६ हजार ७०० रुपयांच्या दरम्यान भाव मिळत आहे.