Water Management: आठवडभरात लघू सिंचन प्रकल्पातील पाणीसाठ्यात २ टक्के, तर मध्यम प्रकल्पातील पाणीसाठ्यात ३ टक्के घट झाली. गुरुवारी (ता.२८) घेण्यात आलेल्या नोंदीनुसार लघू प्रकल्पात सरासरी ६.७७८ दलघमीनुसार १६ टक्के तर मध्यम प्रकल्पांमध्ये ७.६३० दलघमीनुसार १५ टक्के पाणीसाठा होता. .३ लघू सिंचन तलाव कोरडे पडले आहेत.जलसाठे संपुष्टात आल्यामुळे पाणी टंचाईचे संकट गडद झाले आहे. जायकवाडी पाटबंधारे विभाग अंतर्गंत परभणी जिल्ह्यातील २१ व जालना जिल्ह्यातील लघु सिंचन प्रकल्पांची पूर्ण जल क्षमता सरासरी ४५.८२७ दलघमी तर उपयुक्त पाणीसाठा क्षमता ४२.२०५ दलघमी आहे. पाटबंधारे विभागातर्फे गुरुवारी (ता.२१) घेण्यात आलेल्या पाणी पातळीच्या नोंदीनुसार जिल्ह्यातील लघु प्रकल्पात सरासरी ७.४०३ दलघमीनुसार १८ टक्के तर मध्यम प्रकल्पांमध्ये ९.८३७ दलघमीनुसार १९ टक्के पाणीसाठा होता.आठवडाभरात मध्यम व लघु प्रकल्पातील पाणीसाठ्यात अनु्क्रमे ३ टक्के व २ टक्के घट झाली..Water Levels Drop: उन्हामुळे जलसाठ्यात झपाट्याने घट.तीन लघू सिंचन तलाव कोरडेगुरुवारी (ता.२८) घेण्यात आलेल्या पाणी पातळीच्या नोंदीनुसार जिंतूर तालुक्यातील चिंचोली,आडगाव,केहाळ हे ३ लघु सिंचन तलाव कोरडे पडले आहेत तर जोगवाडा,देवगाव,चारठाणा,बेलखेडा,दहेगाव या ५ लघु तलावातील पाणीसाठा जोत्याखाली आहे. जिंतूर तालुक्यातील वडाळी तलावात ५ टक्के,भोसी तलावात ३ टक्के,कवड तलावात ४ टक्के,मांडवी तलावात १ टक्का, देहगाव तलावात १ टक्का, पाडाळी (ता.मंठा) तलावात १२ टक्के, सोनपेठ तालुक्यातील नखातवाडी तलावात ५ टक्के, गंगाखेड तालुक्यातील टाकळगाव तलावात ४ टक्के, कोद्री तलावात ४ टक्के,पालम तालुक्यातील तांदुळवाडी तलावात १४ टक्के पाणीसाठा होता. .Water Levels Drop: सांगलीतील पाणीसाठ्यात ६० टक्क्यांची घट.परभणी तालुक्यातील पेडगाव तलावात ४२ टक्के,मानवत तालुक्यातील आंबेगाव तलावात ३७ टक्के,गंगाखेड तालुक्यातील राणीसावरगाव तलावात २७ टक्के, पिंपळदरी तलावात ४८ टक्के तर पाथरी तालुक्यातील झरी तलावात ७२ टक्के पाणीसाठा होता. २०२५ मध्ये २८ मे रोजी लघु प्रकल्पांमध्ये सरासरी ६.१२९ दलघमीनुसार १५ टक्के पाणीसाठा होता..दोन मध्यम प्रकल्पांत १५ टक्के पाणीसाठाकरपरा मध्यम प्रकल्पाची पूर्ण जल क्षमता २८.८२० दलमघी असून त्यापैकी उपयुक्त साठा क्षमता २४.९०० दलघमी आहे. मासोळी मध्यम प्रकल्पाची पूर्ण जल क्षमता ३४.०८५ दलघमी असून त्यापैकी उपयुक्त साठा २७.१४१ दलघमी आहे. जायकवाडी पाटबंधारे विभागातर्फे गुरुवारी (ता.२८) नोंदीनुसार करपरा प्रकल्पात २.३७४ दलघमी नुसार १० टक्के तर मासोळी मध्यम प्रकल्पांमध्ये ५.२५६ दलघमी नुसार १९ टक्के पाणीसाठा होता..दोन्ही मध्यम प्रकल्पांमध्ये सरासरी ७.६३० दलघमीनुसार १५ टक्के पाणीसाठा होता.२०२५ मध्ये २८ मे रोजी करपरा मध्यम प्रकल्पामध्ये ९ टक्के तर मासोळी मध्यम प्रकल्पात १८ टक्के पाणीसाठा पाणीसाठा होता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
