Maharashtra rain compensation: सप्टेंबर-ऑक्टोबर २०२४ मध्ये छत्रपती संभाजीनगर आणि धाराशिव जिल्ह्यांत अतिवृष्टी आणि पुरामुळे झालेल्या नुकसानीसाठी ३ जिल्ह्यांना २६८ कोटी ८ लाख ८३ हजार रुपयांची मदत मंजूर करण्यात आली आहे. नैसर्गिक आपत्तीमुळे पिकांचे नुकसान झाल्यास राज्य सरकार शेतकऱ्यांना निविष्ठा अनुदान देते. मात्र यंदा सरकारने अनुदानाच्या दरामध्ये कपात केली आहे. त्यामुळे २०२५ मध्ये झालेल्या नुकसानीसाठी शेतकऱ्यांना २७ मार्च २०२३ च्या दरानुसार अनुदान दिलं जाईल. तर २०२४ मध्ये झालेल्या नुकसानीसाठी १ जानेवारी २०२४ च्या शासन निर्णयानुसार केवळ ३ हेक्टरच्या मर्यादेत मदत मिळणार आहे, असेही शासन निर्णयात स्पष्ट करण्यात आले आहे. विभागीय आयुक्तांनी सादर केलेल्या प्रस्तावाच्या आधारावर ही मदत मंजूर करण्यात आली आहे.