Ginger rate: राज्यातील बाजारात आल्याचे भाव मागील काही आठवड्यांपासून स्थिर आहेत. सध्या आल्याला २५०० ते ३ हजार रुपये भाव मिळत आहे. राज्यातील बाजारात मागील काही आठवड्यांपासून हिरव्या मिरचीची आवक कमीच आहे. हिरवी मिरची ३ हजार ते ३ हजार ५०० रुपयाने विकली जात आहे. बाजारीत दोडक्याची आवक मोठ्या प्रमाणात कमी झाली. तर दोडक्याला चांगला उठाव आहे. आवक कमी आणि चांगली मागणी यामुळे दोडक्याचा बाजार ४ हजार ते ५ हजार रुपये प्रतिक्विंटलच्या दरम्यान पोचला. डाळिंबाला बाजारात सध्या चांगला उठाव आहे. सध्या बाजारात डाळिंबाला प्रतिक्विंटल सरासरी ८ हजार ते ९ हजार रुपयांच्या दरम्यान भाव मिळत आहे. ज्वारीचे उत्पादन चांगले झाल्याने दरावर दबाव असल्याचे दिसत आहे. दरपातळी २०० ते ३०० रुपयांनी कमी झाली होती. ज्वारीला सरासरी प्रतिक्विंटल २६०० ते २८०० रुपयांच्या दरम्यान आहेत.