Maharashtra rain forecast: आज राज्यातील मराठवाडा, मध्य महाराष्ट्र आणि कोकणातील काही भागांत हलका ते मध्यम पाऊस होण्याची शक्यता हवामान विभागाने दर्शविली आहे. मराठवाड्यातील छत्रपती संभाजीनगर, जालना, परभणी, हिंगोली, नांदेड, लातूर, बीड आणि धाराशिव जिल्ह्यांसाठी विजा आणि मेघगर्जनेसह हलक्या ते मध्यम पावसाचा येलो अलर्ट जारी करण्यात आला आहे. मध्य महाराष्ट्रातील पुणे, सातारा, सांगली, सोलापूर, कोल्हापूर, अहिल्यानगर, नाशिक आणि जळगाव जिल्ह्यांतही अशा स्वरूपाचा पाऊस होण्याची शक्यता आहे. कोकणातील सिंधुदुर्ग आणि रत्नागिरी जिल्ह्यांत काही ठिकाणी जोरदार पावसाचा अंदाज असून, इतर कोकणातील जिल्ह्यांत ढगाळ हवामानासह हलका पाऊस पडू शकतो.