Weather Update: माॅन्सूनच्या प्रगतीसाठी हवामान पोषक आहे. त्यामुळे पुढील ३ ते ४ दिवसांमध्ये माॅन्सून अरबी समुद्र, गुजरात, छत्तीसगड, पश्चिम बंगाल, झारखंड, बिहार आणि मध्य प्रदेशचा उर्वरित भाग व्यापेल. तसेच राजस्थान, उत्तर प्रदेश, उत्तराखंड, हिमाचल प्रदेश, जम्मू आणि काश्मीर, पंजाब आणि हरियाच्या काही भागात दाखल होईल, असाही अंदाज हवामान विभगााने व्यक्त केला. हवामान विभागाने राज्यातील अनेक भागात पुढील ४ दिवसांमध्ये पावसाचा अंदाज दिला. आज आणि उद्या कोकण तसेच मध्य महाराष्ट्रातील घाटमाथ्यावर जोरदार पावसाचा अंदाज आहे. तर इतर भागात हलक्या ते मध्यम सरी पडतील. विदर्भातही ठिकठिकाणी पावसाचा अंदाज असून पूर्व विदर्भात पावसाचा जोर अधिक राहण्याची शक्यता आहे.