Weather Update: राज्यातील काही भागात पुढील ४ दिवस पाऊस वाढण्याचाही अंदाज दिसत आहे. कोकण आणि विदर्भात पावसाचा जोर वाढण्याचा अंदाज आहे. विदर्भात पुढील ४ दिवस ठिकठिकाणी जोरदार ते मध्यम पावसाचा येलो अलर्ट देण्यात आला. तर कोकण आणि मध्य महाराष्ट्राच्या घाटमाथ्यावरही काही ठिकाणी जोरदार पावसाचा अंदाज हवामान विभागाने दिला.  माॅन्सूनच्या प्रवासासाठी पोषक हवामान आहे. त्यामुळे पुढच्या दोन दिवसांमध्ये माॅन्सून राजस्थानचा आणखा काही भाग, हरियानाचा उर्वरित भाग, संपूर्ण चंदीगड आणि पंजाब, पश्चिम उत्तर प्रदेश, हिमाचल प्रदेश आणि जम्मूचा उर्वरित भाग व्यापेल, असा अंदाज हवामान विभागाने दिला.