Maharashtra Goverment: राज्य वित्त विभागाने हप्ता देण्यासाठी मान्यता दिलीय. त्यामुळं शेतकऱ्यांना चौथा हप्ता मिळण्याचा मार्ग मोकळा झालाय. म्हणजेच राज्यातील जवळपास ९० लाख ८८ हजार शेतकऱ्यांना नमो शेतकरी महासन्मान योजनेचा चौथा हप्ता पुढच्या दोन दिवसात मिळण्याची शक्यताय. जास्तीत जास्त शनिवारपर्यंत नमो सन्मानचा चौथा हप्ता शेतकऱ्यांच्या खात्यावर जमा होण्याची शक्यता आहे. आता अशी एक चर्चा आहे की, चौथा आणि पाचवा हप्ता एकाच  दिवशी जमा करण्यात येणार आहे. म्हणजे आगामी विधानसभा निवडणुकीच्या पार्श्वभूमीवर राज्यातील शेतकऱ्यांना चौथा आणि पाचवा हप्ता देण्यासाठी कृषी विभाग प्रयत्नशीलय. पण केवळ एकाच हप्त्याच्या वितरणाला वित्त विभागानं सोमवारी (ता.१९) मंजुरी दिल्याचं समजतंय. त्यामुळं कृषी विभागाकडून पाचवा हप्ता पुढच्या महिन्यात देण्यासाठी प्रयत्न सुरू झालेत. त्यामुळं विधानसभा निवडणुकीची आचारसंहिता लागू होण्याआधी हा हप्ता शेतकऱ्यांच्या खात्यावर जमा होण्याची शक्यताय. म्हणजेच एकाच वेळी या योजनेचे दोन हप्ते शेतकऱ्यांना मिळणार नाहीत.