Weather Update: उद्या कोकण तसेच पुणे सातारा, विदर्भातील अमरावती, यवतमाळ, चंद्रपूर, गडचिरोली, नागपूर, वर्धा आणि भंडारा जिल्ह्यात ठिकठिकाणी हलक्या ते मध्यम पावसाचा येलो अलर्ट दिला. तर राज्यातील इतर जिल्ह्यांमध्ये हलक्या ते मध्यम पावसाच्या सरी पडतील, असाही अंदाज दिला. तसेच पुढील तीन दिवस कोकण आणि विदर्भातील काही भागात पावसाचा जोर अधिक राहण्याची शक्यता आहे. तर राज्याच्या इतर भागात हलक्या पावसाचा अंदाज हवामान विभागाने दिला. ...माॅन्सूनने आज देशाच्या अनेक भागात प्रगती केली. माॅन्सूनने आज संपुर्ण गुजरात आणि अरबी समुद्र व्यापला. तर मध्य प्रदेश, उत्तराखंड, हिमाचल प्रदेश, जम्मू, काश्मीर, लडाख, गिरगीट, बाल्टीस्तान, मुझफ्फराबादचा बहुतांशी भाग व्यापला. तर राजस्थान, उत्तर प्रदेश, बिहारचा आणखी काही भाग व्यापला. माॅन्सूनची सिमा बारमेर, जयपूर, आग्रा, बांदा, सिध्दी, चैबासा, हलदीया, पाकूर, पटना, महाराजगंज, देहरादून, उना, पठाणकोट आणि जम्मू या भागात होती.