rice variety: भाताचे मुख्य उत्पादन क्षेत्र म्हणून ओळखल्या जाणाऱ्या मावळ तालुक्यात मोठ्या प्रमाणात भाताची लागवड केली जाते. याच पार्श्वभूमीवर वडगाव मावळ येथील भात कृषी संशोधन केंद्राने 'फुले कोलम' हे नवीन भात वाण विकसित केले आहे. यापूर्वी या संशोधन केंद्राने इंद्रायणी, फुले समृद्धी, पवना, कुंडलिका, फुले मावळ अशा एकूण आठ भात वाणांचे यशस्वी संशोधन करून त्यांचे उत्पादन विकसित केले आहे.