maize market price: देशातील बाजारात मागील काही आठवड्यांपासून मक्याचे दर स्थिर आहेत. सध्या मका २ हजार ते २ हजार ३०० रुपयांच्या दरम्यान आहेत. राज्यातील बाजारात फ्लाॅवरची आवक कमी झाली आहे. सध्या फ्लाॅवरला सरासरी २५०० ते ३ हजार रुपये प्रतिक्विंटलच्या दरम्यान दर मिळत आहे. देशात यंदा बेदाण्याचे उत्पादन कमी झाले. सध्या राज्यातील मोठ्या बाजारांमध्ये बेदाणा २५० ते ३५० रुपये प्रतिकिलोने विकला जात आहे. तर शेतकऱ्यांना मिळणारा दर २२० ते २७० रुपयांच्या दरम्यान आहे. राज्यातील बाजारात गवारचे दर तेजीत आहेत. सध्या बाजारात गावरला ६ हजार ते ८ हजार रुपये गुणवत्तेनुसार दर मिळत आहे. देशातील बाजारात कापसाची आवक कमी आहे. कापसाला सध्या बाजारात सरासरी ७ हजार ते ७ हजार ३०० रुपये दर मिळत आहेत.