DBT portal changes: महाडीबीटी पोर्टलवर शेतकऱ्यांनी अनुदानासाठी केलेल्या अर्जांची छाननी करताना सात-बारा उताऱ्याची मागणी करू नये, अशा स्पष्ट सूचना कृषी आयुक्तालयाने दिल्या आहेत. यासंदर्भात राज्यातील विभागीय कृषी सहसंचालक तसेच जिल्हा अधीक्षक कृषी अधिकाऱ्यांना पत्र पाठविण्यात आले आहे. या पत्रात नमूद करण्यात आले आहे की, छाननी करताना अनेक ठिकाणी शेतकऱ्यांकडून पुन्हा सातबारा, आठ अ, आधार ओळखपत्र अशी कागदपत्रे मागितली जात आहेत. मात्र प्रत्यक्षात या कागदपत्रांची आवश्यकता नाही. त्यामुळे अनावश्यक कागदपत्रांची मागणी टाळावी, असे निर्देश कृषी आयुक्तालयाकडून देण्यात आले आहेत.