Market Bulletin: सोयाबीन स्थिरसोयाबीनच्या भावात आज काहीशी स्थिरता आली होती. सोयाबीनला बाजारात सध्या हमीभावाच्या आसपास भाव मिळत आहे. बाजारातील सोयाबीनची आवक सरासरीपेक्षा कमी आहे. तर सोयाबीनला चांगला उठाव आहे. आजही प्रक्रिया प्लांट्सचे सोयाबीन खरेदीचे भाव प्रतिक्विंटल सरासरी ५ हजार ६०० ते ५ हजार ७०० रुपयांच्या दरम्यान आहेत. तर बाजार समित्यांमध्ये सोयाबीन प्रतिक्विंटल सरासरी ५ हजार ते ५ हजार ४०० रुपयांच्या दरम्यान विकले जात आहे. सोयाबीनला उठाव असल्याने सोयाबीनचे भाव टिकून राहू शकतात, असा अंदाज सोयाबीन बाजारातील अभ्यासकांनी व्यक्त केला आहे. .कापसावर दबाव कायमदेशातील बाजारात कापसाच्या भावावरील दबाव कायम आहे. आज देशातील सर्वच बाजारांमध्ये कापसाला हमीभावापेक्षा कमी भाव मिळाला. तर कापसाची आवक सरासरीपेक्षा सध्या जास्त असल्याचे व्यापारी सांगत आहेत. आजही कापसाला प्रतिक्विंटल सरासरी ७ हजार ४०० ते ८ हजार रुपयांच्या दरम्यान भाव मिळत आहे. सीसीआयच्या कापूस खरेदीचा आज शेवटचा दिवस आहे. उद्यापासून खरेदी बंद होणार आहे. याचा दबाव दरावर येऊ शकतो, असा अंदाज कापूस बाजारातील अभ्यासकांनी व्यक्त केला आहे..Chia Seed Price: वाशीममध्ये चियासीड दर १३००० ते १५६०० रुपये.भेंडीचे दर टिकूनराज्यातील बाजारात मागील काही दिवसांपासून भेंडीची आवक सरासरीपेक्षा कमीच आहे. भेंडीला उठाव मात्र चांगला आहे. भेंडी पिकाला यंदा बदलत्या वातावरणाचा फटका बसत आहे. यामुळे बहुतांशी बाजारांमध्ये भेंडीची आवक कमी असून दराला आधार मिळत आहे. सध्या भेंडीला सरासरी प्रतिक्विंटल ४ हजार ते ५ हजार रुपयांच्या दरम्यान भाव मिळत आहे. भेंडीची बाजारातील आवक पुढील काही दिवसांमध्ये स्थिर राहण्याची शक्यता आहे. त्यामुळे दरही टिकून राहू शकतात, असा अंदाज भाजीपाला बाजारातील व्यापारी आणि जाणकार शेतकऱ्यांनी व्यक्त केला आहे. .Banana Farming: केळी पिकात बंच फीडिंग तंत्रज्ञान फायदेशीर.आल्याचे भाव टिकूनराज्यातील बाजारात मागील काही दिवसांपासून आल्याचे भाव टिकून आहेत. बाजारातील आल्याची आवक मर्यादीतच आहे. तर दुसरीकडे आल्याला मागणी आहे. लग्नसराई आणि रमजानमुळे आल्याला उठाव मिळत आहे. यामुळे आल्याचा भाव बाजारात सध्या ४ हजार ते ५ हजार रुपये प्रतिक्विंटलच्या दरम्यान आहे. आल्याची बाजारातील आवक आणखी काही आठवडे स्थिर राहण्याची सक्यता आहे. तर आल्याला उठाव चांगला राहण्याची शक्यता आहे. यामुळे आल्याचे भावही टिकून राहतील, असा अंदाज आले बाजारातील अभ्यासकांनी व्यक्त केला आहे. .कोथिंबीरला उठावकोथिंबीरची बाजारातील आवक स्थिर आहे. तर कोथिंबीरची मागणी वाढलेली आहे. सण समारंभाचा आधार भावाला मिळत आहे. अनेक भागातील कोथिंबीरची काढणी सध्या कमी होत आहे. त्यामुळे अनेक मोठ्या बाजारांमधील आवक सरासरीपेक्षा कमी झालेली आहे. सध्या कोथिंबीर बाजारात प्रतिक्विंटल सरासरी १८०० ते २ हजाराने विकाली जात आहे. शेकडा ८०० ते १२०० रुपये भाव मिळत आहे. वाढत्या उष्णतेचा पिकावर परिणाम होऊन कोथिंबीरची बाजारातील आवक पुढील काही दिवसांमध्ये कमी होण्याची शक्यता आहे. याचा आधार दराला मिळू शकतो, असा अंदाज भाजीपाला बाजारातील व्यापारी आणि जाणकार शेतकरी व्यक्त करत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
