Sangli News: कृषी विभागाच्या नैसर्गिक शेती अभियानाच्या माध्यमातून विषमुक्त शेतीचा ध्यास घेऊन वाळवा तालुक्यातील ५५ हून अधिक शेतकऱ्यांनी एकत्र येत कणेरी मठावर विषमुक्त शेतीचे धडे गिरवले. गटशेतीला प्राधान्य देण्याचा निर्धार केला. तीन दिवसांचे निवासी प्रशिक्षण विषमुक्त शेतीची नवी पहाट निर्माण करणारे होते..रासायनिक खतांच्या व पाण्याच्या अति वापरामुळे जमिनी खराब बनत आहेत. रासायनिक खतांमुळे सर्व अन्नधान्य, भाजीपाला आरोग्यास अपायकारक बनत आहे. यावर पर्याय म्हणून कृषी विभागाने नैसर्गिक शेती अभियान सुरू केले आहे. याचाच भाग म्हणून हे शेतकरी कणेरी मठ येथे सलग तीन दिवस निवासी प्रशिक्षणसाठी गेले होते..Poison Free Farming: विषमुक्त शेतीचा मंत्र घरोघरी पोहोचवा : मंत्री नरहरी झिरवाळ .या ठिकाणी गटशेती, विषमुक्त शेतीची गरज, फायदे, रोग किडीपासून संरक्षण, मालाची साठवणूक, बाजारपेठ, मजूर टंचाईवर ‘इर्जिक’ पद्धतीने शेती यावर मार्गदर्शन करण्यात आले. प्रत्येक गावातील एक ते दोन शेतकरी या प्रशिक्षणामध्ये सहभागी झाले होते. इथे झालेल्या प्रशिक्षणाद्वारे गावोगावी सुरू असलेल्या विषमुक्त शेतीसाठी इतर शेतकऱ्यांना मार्गदर्शन करण्यात येणार आहे..Crop Protection: थंडीच्या काळात काळजी घेण्याचे तज्ज्ञांचे आवाहन.गावातील शेतकरी बांधवांना पाणी फाउंडेशनच्या गटशेती चळवळीची ओळख करून देत निविष्ठांवरील खर्च कमी कसा होतो, कमी खर्चात अधिक उत्पादन कसे घेता येते, विषमुक्त शेतीची वैज्ञानिक पद्धत, मजुरीवरील खर्च गटशेतीमधून कसा कमी करता येतो, तसेच पूर्व मशागत ते काढणीपर्यंत शास्त्रज्ञांचे मार्गदर्शन कसे फायदेशीर आहे, याची माहिती देण्यात आली..‘जीवामृत’ व ‘दशपर्णी अर्क’ बनवण्याची प्रक्रिया समजून घेऊन दशपर्णी अर्क बनवण्याचे नियोजन याचे थेट शेतात प्रात्यक्षिक घेण्यात आले. तालुका कृषी अधिकारी इंद्रजित चव्हाण, समन्वयक सुनील पाटील, अवधूत गुरव यांच्या मार्गदर्शनाखाली विषमुक्त शेती अभियान आता गती घेत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
