robot for weed management: तण काढणाऱ्या यंत्रमानवाचे फायदे

अचूक तण ओळख: यंत्रमानव यांत्रिक शिक्षण (मशिन लर्निंग) आणि प्रगत यांत्रिक दृष्टी प्रणालीच्या (व्हिजन सिस्टिम) साहाय्याने तण अचूक ओळखतात आणि त्याचे नियंत्रण करतात. त्यामुळे पिकांना हानी होण्याचा धोका कमी होतो. काही यंत्रमानव मल्टिस्पेक्ट्रल इमेजिंगचा वापर करून तणांची वाढ सुरुवातीलाच ओळखून ती रोखू शकतात.

रसायनांचा कमी वापर: बहुतांश यंत्रमानव हे तण यांत्रिक पद्धतीने काढतात किंवा फक्त तणावर केंद्रित तणनाशक फवारतात. त्यामुळे रसायनांचा वापर मोठ्या प्रमाणात कमी होतो.

शाश्वत शेती व मातीचे आरोग्य: यंत्रमानवांच्या वापरामुळे तणनाशकांचा वापर अत्यल्प किंवा शून्य होतो. त्यामुळे मातीचा ऱ्हास, भूजल प्रदूषण आणि जैवविविधतेला होणारे नुकसान टाळले जाते.