ICAR ICRISAT farmer programs: राज्यातील अल्पभूधारक शेतकऱ्यांना आता कृत्रिम बुद्धिमत्ता (AI) आणि मशीन लर्निंगच्या साहाय्याने हवामान, पेरणीचा योग्य वेळ, कीड नियंत्रण अशा शेतीसंबंधी निर्णयांसाठी तंत्रज्ञानावर आधारित सल्ला मिळणार आहे. आंतरराष्ट्रीय कोरडवाहू पीक संशोधन संस्था (इक्रीसॅट) आणि भारतीय कृषी संशोधन परिषद (ICAR) यांच्या पुढाकारातून हा विशेष प्रकल्प राबविण्यात येणार आहे. या प्रकल्पाअंतर्गत शेतकऱ्यांना प्रत्यक्ष हवामान आधारित मार्गदर्शन देण्यात येईल. नुकतीच “हवामान बदलाशी जुळवून घेण्यासाठी तंत्रज्ञानाचा वापर” या विषयावर हैदराबाद येथे झालेल्या कार्यशाळेत इक्रीसॅटकडून या उपक्रमाची माहिती देण्यात आली.