benefits of hydroponic fodder: खरिपात हिरव्या चाऱ्याची उपलब्धता असली तरी वर्षभर चाऱ्याची उपलब्धता सामान्य दूध उत्पादक शेतकऱ्यांसाठी कठीण असते. त्यामुळे अलीकडे बरेच शेतकरी हायड्रोपोनिक पद्धतीने चारा निर्मिती करण्याकडे वळले आहेत. मात्र, सध्या वापरली जाणारी संरचना लोखंडी अँगलवर आधारित असून महागडी व गुंतागुंतीची असते. त्यामुळे कृषी स्थापत्य अभियांत्रिकी विभागाने सोपे, स्वस्त व कार्यक्षम मॉडेल तयार करण्यासाठी संशोधन केले. विभाग प्रमुख डॉ. सुचिता गुप्ता, राजेश मुरूमकार आणि अजय तळोकार यांनी संपूर्ण यंत्रणा, डिझाइन, सिंचन, बियाण्यांची निवड इ. घटकांचा अभ्यास करून प्रभावी हायड्रोपोनिक युनिट विकसित केले. हे मॉडेल अनेक शेतकऱ्यांना दिशादर्शक ठरू शकते.