Soyabean Cultivation: सोयाबीन सुरुवातीच्या अवस्थेत पीक तणमुक्त ठेवावे. शेताच्या बांधावर असणा-या किडीच्या पुरक खाद्य वनस्पतीचा नाश करावा. किड लागलेली झाडे, पाने, फांद्या यांचा आतील किडीसह नायनाट करावा. तंबाखुवरील पाने खाणाऱ्या अळीची अंडी आणि सुरवातीच्या अवस्थेतील अळीग्रस्त पाने अलगद तोडून किडीसह नष्ट करावीत. हिरवी घाटेअळी आणि तंबाखुची पाने खाणाऱ्या अळीचा प्रादुर्भाव नेमका किती प्रमाणात झाला आहे हे ओळखण्यासाठी किडीच सर्वेक्षण करावं. सर्वेक्षणासाठी प्रत्येक किडीसाठी प्रति एकरी २ कामगंध सापळे शेतात लावावेत. याशिवाय शेतात इंग्रजी ‘T’ अक्षरासारखे प्रति एकरी २० पक्षी थांबे लावावेत.तंबाखूवरील पाने खाणा-या अळीच्या व्यवस्थापनासाठी एसएलएनपीव्ही ५०० एलई विषाणू ४०० मिली किंवा नोमुरिया रिलाई या जैविक बुरशीची ८०० ग्रॅम प्रति एकरी फवारणी प्रादुर्भाव आढळून येताच करावी.