turmeric crop fertilizer management: पावसाळ्याच्या हंगामात हळदीच्या खोडांची आणि फुटव्यांची वाढ चांगली होते. २५ ते ३५ अंश सेल्सिअस इतके तापमान या वाढीसाठी अनुकूल ठरते. या टप्प्यावर पिकाची वाढ योग्य होण्यासाठी आंतरमशागतीची कामे वेळेत करणे अत्यंत आवश्यक असते. यामध्ये खते वापरणे, पाणी व्यवस्थापन, तणनियंत्रण अशी महत्वाची कामे येतात. जर या काळात तापमान खूपच कमी झाले, तर हळद पिकावर किडी आणि रोगांचा प्रादुर्भाव वाढण्याची शक्यता असते, ज्याचा परिणाम गड्ड्यांची संख्या आणि त्यांच्या आकारावर होतो. त्यामुळे पिकाचे नुकसान टाळण्यासाठी वेळेवर योग्य कीड व रोग व्यवस्थापन करणे गरजेचे आहे.