फाउल कॉलरा हा जिवाणूजन्य संसर्गजन्य रोग असून, सेप्टीसेमियामुळे बाधित कोंबड्या अचानक मरतात. हा आजार ब्रॉयलर आणि लेअर दोन्ही प्रकारच्या कोंबड्यांना होतो. थंड आणि दमट हवामानात याचा प्रादुर्भाव वाढतो. बाधित कोंबड्यांच्या लाळ, शेंबूड आणि अश्रूंमधून तसेच उंदीर, घुशी आणि इतर प्राण्यांमुळे रोगाचा प्रसार होतो. आजारी कोंबड्यांमध्ये हिरवट अतिसार, विस्कटलेले पंख, जलद श्वसन, डोळ्यांची सूज आणि लंगडणे ही लक्षणे दिसतात. शेड स्वच्छ ठेवणे, निर्जंतुकीकरण करणे आणि लसीकरण करणे महत्त्वाचे आहे. आजारी कोंबड्या वेगळ्या ठेऊन पशुवैद्यकाच्या सल्ल्याने प्रतिजैविके द्यावीत. मृत कोंबड्यांना योग्य प्रकारे विल्हेवाट लावावी. योग्य काळजी घेतल्यास फाउल कॉलरावर नियंत्रण मिळवता येते.