Kharif Cultivation: उशिरात उशिरा ७ जुलैपर्यंत मूग, उडीद, भुईमूग पिकांची पेरणी करता येते. त्यापेक्षा उशीर झाल्यास पिकांच्या उत्पादनात घट येते. या पिकांच्या विभागानूसार शिफारस केलेल्या जातींचीच निवड करावी. पाऊस ३० जूनपर्यंत किंवा ७ जुलैपर्यंत आला नाही तर पीक नियोजनात बदल करावेत. यामध्ये ८ जुलैपर्यंत पाऊस लांबला तर मूग, उडीद, भुईमूग पिकांऐवजी कापूस, सोयाबीन, तूर, संकरित बाजरी, तीळ, सूर्यफूल, संकरित ज्वारी या पिकांना प्राधान्य द्यावे.पाऊस जर ८ ते १५ जुलैदरम्यान झाल्यास कापूस, सोयाबीन, तूर, संकरित बाजरी, तीळ, सूर्यफूल, संकरित ज्वारी ही पिके घ्यावीत. मूग, उडीद, भुईमूग लागवड करू नये.