Akola News: या वर्षी रब्बी हंगामाची सुरुवात संथ गतीने झाली असली, तरी नोव्हेंबरअखेरीस अनुकूल वातावरण आणि शेतकऱ्यांच्या सहभागामुळे लागवडीला चांगला वेग आला आहे. जिल्ह्यात सध्या ६० टक्के क्षेत्रात पेरण्या पूर्ण झाल्या असून आगामी काही दिवसांत उर्वरित क्षेत्रही लागवडीखाली येईल, असा कृषी विभागाचा अंदाज आहे..अकोला जिल्ह्याचे रब्बीचे एकूण सरासरी क्षेत्र १ लाख २७ हजार ७२० हेक्टर आहे. यामध्ये हरभरा हे प्रमुख पीक, तर गहू, रब्बी ज्वारी, कांदा आणि भाजीपाला या पिकांचेही लक्षणीय क्षेत्र आहे. यंदा विशेषतः हरभऱ्याच्या लागवडीला चांगला वेग मिळत असून, आतापर्यंत ६४,१०० हेक्टर क्षेत्रात हरभऱ्याची पेरणी झाली आहे. हे आकडे सरासरीपेक्षा काहीसे कमी असले तरी पुढील आठवडाभरात हरभऱ्याची पेरणी ७० ते ७५ टक्क्यांहून अधिक पूर्ण होण्याचा अंदाज व्यक्त केला जात आहे..Rabi Sowing: जुन्नरमध्ये २५ हजार हेक्टरवर रब्बीचा पेरा.गव्हाच्या पेरणीलादेखील चांगला प्रतिसाद मिळत असून २३,६७७ हेक्टर सरासरी क्षेत्रापैकी १०,८०० हेक्टर क्षेत्रावर गहू पेरला गेला आहे. दरम्यान रब्बी ज्वारीची पेरणी मात्र अपेक्षेप्रमाणे नसून १,०७९ हेक्टर सरासरी क्षेत्रापैकी केवळ २६० हेक्टर क्षेत्रातच पेरणी झाली आहे..कांदा आणि भाजीपाला पिकांची पेरणीही हंगामाच्या सुरुवातीपासून सुरू असून, आतापर्यंत १,४६० हेक्टर क्षेत्रात रब्बी कांदा आणि ४७६ हेक्टर क्षेत्रात भाजीपाला लागवड झाली आहे. यामुळे जिल्ह्यातील एकूण पेरणी ७७,१२७ हेक्टरपर्यंत पोहोचली आहे..Rabi Sowing: चाकूर तालुक्यात ९० टक्के क्षेत्रावर रब्बी पेरणी पूर्ण.जमिनीतील ओलाव्यामुळे रब्बी हंगामाच्या सुरुवातीला संथ गतीने पेरण्यांना सुरुवात झाली होती. मात्र नोव्हेंबरमध्ये परिस्थिती सुधारली. जमिनीतील ओलावा, बियाण्यांचा उपलब्ध साठा आणि हवामानाचा कल पाहता पेरण्यांनी वेग घेतला. आता राहिलेल्या क्षेत्रावर डिसेंबरच्या पहिल्या पंधरवड्यात रब्बीची पेरणी पूर्ण क्षमतेने पार पडेल, असा अंदाज वर्तवला जात आहे. सर्वसाधारणपणे याही वर्षी जिल्ह्यात हरभरा आणि गव्हाच्या पेरणीला शेतकरी प्राधान्य देत आहेत. काही शेतकऱ्यांनी चिया सीड लागवडीलाही पसंती दिलेली आहे..लागवडीत वाढयेत्या काळात गहू आणि हरभऱ्याची लागवड आणखी वाढेल. प्रामुख्याने प्रकल्पांमधून सिंचनासाठी पाणी उपलब्ध व्हायला सुरुवात झाल्यानंतर कोरडवाहू क्षेत्रात हंगामी सिंचन करणारे शेतकरी या पिकांच्या लागवडीला सुरुवात करतील. त्यामुळे पुढील काही दिवसांत जिल्ह्याचे एकूण अपेक्षित क्षेत्र रब्बी लागवडीखाली येईल, याची खात्री दिली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
