मुंबई, पुणे आणि सोलापूरमध्ये यंदा मॉन्सूनने वेळेआधीच म्हणजे २६ मे रोजी हजेरी लावली. हा मॉन्सून राज्यात लवकर दाखल झाला असून काही भागांमध्ये आधीपासूनच जोरदार पावसाला सुरुवात झाली आहे. त्यामुळे शेतकरी आणि नागरिकांमध्ये हा पाऊस किती दिवस टिकणार याबाबत उत्सुकता आहे. हवामान विभागाने पुढील काही दिवस राज्यातील काही भागांत जोरदार पावसाचा अंदाज वर्तवला आहे. मात्र जून महिन्याच्या मध्यंतरानंतर पावसात काहीसा खंड पडण्याची शक्यता आहे.