Ginger price today: राज्यातील बाजारात आल्याचे भाव मागील ३ आठवड्यांपासून स्थिर आहेत. आल्याला सध्या बाजारात सरासरी २ हजार ५०० ते ३ हजार रुपये दर मिळत आहे. करडईला तेलासाठी चांगली मागणी आहे. बाजारातील आवक कमी झाली आहे. सध्या करडईला बाजारात सरासरी ६ हजार ५०० ते ७ हजार रुपयांच्या दरम्यान दर मिळत आहे. बाजारातील पपईचे दर टिकून आहेत. सध्या पपई १७०० ते २ हजार रुपयांच्या दरम्यान आहेत. राज्यातील बाजारात फ्लाॅवरची आवक कमी झाली आहे. सध्या फ्लाॅवरला सरासरी २५०० ते ३ हजार रुपये प्रतिक्विंटलच्या दरम्यान दर मिळत आहे. देशातील बाजारात गव्हाची आवक कमी झाली. त्यानंतर दरातही काहीशी सुधारणा झाली. सध्या बाजारात गव्हाला गुणवत्तेप्रमाणे आणि वाणानुसार सरासरी २ हजार ६०० ते ३ हजार ९०० रुपयांच्या दरम्यान भाव मिळत आहे.