Bihar Poliitics: भाजपचे नेते सम्राट चौधरी यांनी बुधवारी बिहारचे २४ वे मुख्यमंत्री म्हणून शपथ घेतली. बिहारमध्ये मुख्यमंत्रिपदावर विराजमान होणारे ते भाजपचे पहिलेच नेते ठरले आहेत. राज्यपाल सय्यद अता हसनैन यांनी लोकभवन येथे त्यांना पद आणि गोपनीयतेची शपथ दिली..या सोहळ्याला संयुक्त जनता दलाचे अध्यक्ष नितीशकुमार, केंद्रीय मंत्री जे. पी. नड्डा आणि लोक जनशक्ती पक्षाचे (रामविलास पासवान) प्रमुख चिराग पासवान यांच्यासह अनेक मान्यवर उपस्थित होते. नितीशकुमार यांनी आदल्या दिवशीच मुख्यमंत्रिपदाचा राजीनामा दिला होता. सम्राट चौधरी यांच्यासोबत संयुक्त जनता दलाचे बिजेंद्रप्रसाद यादव आणि विजयकुमार चौधरी यांनीही मंत्रिपदाची शपथ घेतली. पंतप्रधान नरेंद्र मोदी यांनी सम्राट चौधरी यांचे अभिनंदन केले आहे..Samrat Choudhary Bihar CM: बिहारमध्ये 'सम्राट'राज; भाजपचा पहिला मुख्यमंत्री, नितीश कुमारांच्या पक्षाचे दोन उपमुख्यमंत्री.शपथविधीनंतर मुख्यमंत्री चौधरी यांनी सचिवालयात जाऊन प्रशासकीय अधिकाऱ्यांची बैठक घेतली आणि आपल्या सरकारचे प्राधान्यक्रम स्पष्ट केले. त्यानंतर भाजप कार्यालयात कार्यकर्त्यांनी त्यांचा सत्कार केला..Bihar Government Formation: पुन्हा तेच त्रिकूट! बिहारचा मुख्यमंत्री ठरला; NDA सरकारमध्ये असणार दोन उपमुख्यमंत्री.दरम्यान, मंत्रिमंडळाचा विस्तार लवकरच होण्याची शक्यता राष्ट्रीय लोकशाही आघाडीच्या (एनडीए) सूत्रांनी वर्तवली आहे. सध्याच्या मंत्रिमंडळात दलित आणि महिला प्रतिनिधींचा समावेश नसल्याने, आगामी विस्तारात सर्व जाती-धर्मांना योग्य प्रतिनिधित्व देण्यावर भर दिला जाणार असल्याचे समजते..मोदी यांच्याकडून शुभेच्छाबिहारच्या मुख्यमंत्रिपदाची शपथ घेतल्याबद्दल पंतप्रधान नरेंद्र मोदी यांनी भाजप नेते सम्राट चौधरींचे अभिनंदन केले. मोदी यांनी ‘एक्स’वर नमूद केले आहे, की बिहारच्या मुख्यमंत्रिपदाची शपथ घेतल्याबद्दल सम्राट चौधरी यांचे मनःपूर्वक अभिनंदन आणि त्यांना पुढील वाटचालीस शुभेच्छा! त्यांची ऊर्जा, जनसेवेप्रती असलेली निष्ठा आणि तळागाळातील अनुभव राज्यासाठी अत्यंत लाभदायी ठरेल. त्यांच्या सक्षम नेतृत्वाखाली जनतेच्या आकांक्षा पूर्ण होतील आणि बिहार सर्वांगीण विकासाची नवी शिखरे सर करेल याची मला पूर्ण खात्री आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
