Animal Food: जनावरातील कॅल्शिअमची कमतरता कमी होण्यासाठी त्यांना नियमित खाद्यातून कॅल्शियमयुक्त क्षार मिश्रणे द्यावीत. मोठ्या जनावरांत ५० ते १०० ग्रॅम तर लहान जनावरांना १५ ग्रॅम कॅल्शियमयुक्त क्षार मिश्रणांचा पुरवठा करावा. याशिवाय द्विदल पिकाचा पालेदार चाराही द्यावा. कॅल्शिअमची कमतरता होऊ नये म्हणून रवंथ करणाऱ्या जनावरांमध्ये विशेषतः दुधाळ गाई, म्हशींमध्ये २५ ग्रॅम ते ५० ग्रॅम क्षार मिश्रण द्यावे. पशू आहारात लुसर्न किंवा डाळ वर्गीय चाऱ्याचा समावेश असावा. गाय, म्हैस जर गाभण असेल तर शेवटच्या १ ते २ आठवड्यात कमी कॅल्शियमयुक्त आहार द्यावा. जनावराचा नियमित व्यायाम होईल याची काळजी घ्यावी. पशू तज्ज्ञांच्या शिफारशीनुसार जीवनसत्व "ड " चे इंजेक्शन गाय,म्हैस विण्याअगोदर एक आठवडा आधी द्यावे.