Bajra price today: रब्बी बाजरी बाजारात आल्यानंतर दरावरही दबाव दिसून आला. बाजरीला सध्या उठावही चांगला दिसत आहे. बाजरीला सरासरी २ हजार २०० ते २ हजार ५०० रुपयांच्या दरम्यान गुणवत्तेप्रमाणे दर मिळत आहे. बाजारात लसणाची आवक चांगली सुरु आहे. सध्या लसणाला प्रतिक्विंटल ६ हजार ते ७ हजार रुपये भाव मिळत आहे. राज्यातील बाजारात मागील काही आठवड्यांपासून हिरव्या मिरचीची आवक कमीच आहे. त्यामुळे हिरवी मिरची ३ हजार ते ३ हजार ५०० रुपयाने विकली जात आहे. देशातील बाजारात हरभरा दर दबावातच आहेत. हरभऱ्याला मागील काही आठवड्यांपासून उठाव चांगला आहे. हरभऱ्याला देशातील बाजारात मागील काही आठवड्यांपासून ५ हजार ३०० ते ५ हजार ६०० रुपयांच्या दरम्यान भाव मिळत आहे. यंदा बेदाण्याचे उत्पादन कमी झाल्यामुळे बेदाण्याला चांगला दर आहे. मार्च आणि एप्रिल महिन्यात बेदण्याला प्रति किलोस गुणवत्तेप्रमाणे ७० ते २२५ रुपयांपर्यंत असा दर होता. एप्रिलपासून बेदाण्याला मागणीही वाढली. त्यामुळे बेदाण्याच्या दरात वाढ झाली. सध्या बेदाणा प्रतिकिलो १२० ते २८० रुपयांच्या दरम्यान विकला जात आहे.