Uddhav Thackeray Speech: अनेक संकटामागून संकटे आली. पुढेही येतील. हे संकट काहीच नाही. माझ्यासोबत संकटाला पुरून उरणारा शिवसैनिक आहे. एकही शिवसैनिक खचलेला नसून, तो पेटलेला आहे, असा इशारा शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांनी विरोधकांना दिला. मतं तुम्ही दिली, जाब तुम्ही विचारा, असेही त्यांनी शिवसैनिकांना उद्देशून म्हटले. मुंबईतील श्री षण्मुखानंद चंद्रशेखर सरस्वती सभागृहात शुक्रवारी (दि. १९ जून) शिवसेनेच्या ६० व्या वर्धापनदिन कार्यक्रमात ते बोलत होते. यावेळी त्यांनी नेहमीच्या शैलीत विरोधकांवर प्रहार केला. .ठाकरेंच्या पक्षात दुसऱ्यांदा मोठी फूट पडली. या पार्श्वभूमीवर बोलताना त्यांनी आपल्या भावना व्यक्त केल्या. ''मला नेतृत्त्वाची हाव नाही, आता हे पद सोडायला तयार आहे. पण जो कोणी गद्दार माझ्यावरती आरोप करत असेल तर त्याला उत्तर तुम्ही द्यायचे आहे. मी डगमगलेलो नाही. मी खचणार नाही. मी पहाडासारखा उभा राहीन,'' असा विश्वास त्यांनी व्यक्त केला. .'आज शेतकर रडतोय...'आज शेतकर रडतोय, त्याच्या शेतमालास हमीभाव नाही, पण खासदारांचा हमीभाव ठरलेला आहे, असा आरोप त्यांनी केला. आज जी गद्दारी झाली; त्या मतदारासंघातील मी मतदारांची माफी मागतो. मोदींची लाट असताना ९ खासदार निवडून दिले. एक जागा तर चोरली. आता परत फोडाफोडी चालली आहे. किती सत्तापिपासून व्हायचे, अशा शब्दांत ठाकरेंनी हल्लाबोल केला..Shiv Sena UBT Crisis: ठाकरेंच्या ६ खासदारांची बैठकीला दांडी, आता 'ऑपरेशन तुडवा' सुरु, बंडखोरांना राऊतांचा इशारा.'शिवसेना विलीन होण्यासाठी आलेली नाही'आमचे हिंदूत्व हे राष्ट्रीयत्व आहे. पण तुम्ही महाराष्ट्राचा विश्वासघात केला. सध्या लोकशाहीला धोका आहे. असेच जर चालत राहिले तर देश अराजकतेच्या दिशेने चालला आहे, अशी भीती वाटू लागली आहे. शिवसेना काँग्रेसमध्ये विलीन होईल, असे तुम्हाला वाटायला लागले आहे. पण शिवसेना विलीन होण्यासाठी आलेली नाही, तर मराठी माणसाच्या, हिंदुत्वाच्या रक्षणासाठी आणि न्याय हक्काच्या लढ्यासाठी आली आहे. आम्ही सत्तेसाठी नाही, सत्ता आमच्यासाठी जन्माला आली आहे, असेही ते म्हणाले. .Maharashtra Politics: शिवसेनेत पुन्हा मोठी फूट? सहा खासदार शिंदे गटात जाणार असल्याची चर्चा.या कार्यक्रमाला रश्मी ठाकरे, आदित्य ठाकरे यांच्यासह राज्यभरातून आलेले शिवसैनिक उपस्थित होते. शिवसैनिकांनी जयघोष करत उद्धव ठाकरे यांचे कार्यक्रमस्थळी स्वागत केले. .ठाकरेंच्या शिवसेनेने १८ जून रोजी दिल्लीत बोलावलेल्या संसदीय दलाच्या बैठकीला ६ खासदार गैरहजर राहिले. यामुळे ठाकरेंची सेना पुन्हा एकदा फुटल्याचे स्पष्ट झाले. तर उपमुख्यमंत्री एकनाथ शिंदे यांचे ऑपरेशन टायगर यशस्वी झाल्याच्या चर्चेवर शिक्कामोर्तब झाले. सहा खासदारांनी स्वतंत्र गट तयार केला असून ते शिंदे सेनेत सामील होणार होणार असल्याचे समजते..'ये तो ट्रेलर है, पिक्चर अभी बाकी है'; एकनाथ शिंदेंनी ठाकरेंना डिवचलंदुसरीकडे गोरेगावच्या नेस्को सेंटरमध्ये शिंदेंच्या शिवसेनेचा वर्धापनदिन सोहळा झाला. यावेळी उपमुख्यमंत्री एकनाथ शिंदे यांच्यासह शिवसेनेचे मंत्री आणि नेते उपस्थित होते. 'ये तो ट्रेलर है, पिक्चर अभी बाकी है', असे म्हणत एकनाथ शिंदे यांनी ठाकरेंना डिवचले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
