Fruit Orchard Cultivation Agrowon
कृषी योजना व शासन निर्णय

Horticulture Scheme : फळबाग लागवड योजनेसाठी ८१८ शेतकऱ्यांची निवड

स्व. भाऊसाहेब फुंडकर फळबाग लागवड योजना राज्यात २०१८-१९ पासून सुरु करण्यात अली आहे.

Team Agrowon

Nanded News : स्व. भाऊसाहेब फुंडकर फळबाग लागवड योजनेत (Horticulture Scheme) महाडीबीटीच्या (MahaDBT) माध्यमातून ८८६ शेतकऱ्यांनी अर्ज दाखल केले होते. यात लॉटरी पद्धतीने ८१८ शेतकऱ्यांची निवड झाली आहे.

निवड झालेल्या शेतकऱ्यांनी पोर्टलवर कागदपत्र अपलोड करण्याचे आवाहन जिल्हा अधिक्षक कृषी अधिकारी रविशंकर चलवदे यांनी केले आहे.

स्व. भाऊसाहेब फुंडकर फळबाग लागवड योजना राज्यात २०१८-१९ पासून सुरु करण्यात अली आहे. परंतु मागील काही वर्ष या योजनेला गुंडाळण्यात आले होते.

यानंतर मुख्यमंत्री एकनाथ शिंदे (Eknath Shinde) तर उपमुख्यमंत्री पदी देवेंद्र फडणवीस यांचे सरकार आल्यानंतर पुन्हा योजनेला मुहूर्त लागला आहे.

या योजनेमध्ये केंद्र शासनाच्या महात्मा गांधी राष्ट्रीय ग्रामीण रोजगार हमी योजनेतर्गत जे लाभार्थी फळबाग लागवड बाबीचा लाभ घेऊ शकत नाही, त्यांना फुंडकर फळबाग लागवड योजनेचा लाभ देण्यात येत आहे.

या योजनेत लाभ घेणाऱ्या शेतकऱ्यांना पहिल्या वर्षी पन्नास टक्के, दुसऱ्या वर्षी तीस टक्के तर तिसऱ्या वर्षी वीस टक्के अनुदान देण्यात येते.

या योजनेसाठी अर्ज करून लाभ घेण्यासाठी शेतकऱ्यांना कमीत कमी २० गुंठे तर जास्तीच जास्त ६ हेक्टर क्षेत्र मर्यादेत लाभ देण्यात येणार आहे. या योजनेचा लाभ घेण्यासाठी नांदेड जिल्ह्यातील ८८६ शेतकऱ्यांनी महाडिबीटीवर अर्ज सादर केले.

यात अनुसूचित जाती १२२, अनुसूचित जमाती ३६ तर सर्वसाधारण गटातील ७२८ अशा एकूण ८८६ शेतकऱ्यांनी अर्ज सादर केले.

यानंतर झालेल्या तपासणीअंती ८१८ शेतकऱ्यांनी या योजनेसाठी निवड झाली आहे. यात अनुसूचित जाती ११३, अनुसूचित जमाती ३३ तर सर्वसाधारण गटातील ६७२ शेतकऱ्यांचा समावेश आहे.

दरम्यान निवड झालेल्या शेतकऱ्यांनी महाडिबीटी पोर्टलवरुन कागदपत्र अपलोड करण्याचे आवाहन जिल्हा अधिक्षक कृषी अधिकारी रविशंकर चलवदे यांनी केले आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

PM Kisan 20th Installment : पीएम किसानचा २० वा हप्ता ऑगस्टच्या पहिल्या आठवड्यात?

Sangli Water Storage : शिराळा तालुक्यातील ४७ तलाव पूर्ण क्षमतेने भरले

Maharashtra Politics: मराठवाड्यात काँग्रेसला धक्का; सुरेश वरपूडकर भाजपवासी तर कैलास गोरंट्याल यांचा प्रवेश गुरुवारी

Sangli Rain : वारणा धरण क्षेत्रात संततधार

Kolhapur Rain : नद्यांचे पाणीपात्राबाहेर; कोल्हापुरात पावसाची उघडझाप

SCROLL FOR NEXT