आखाती देशांकरिता संत्र्यांचा पहिला कंटेनर पाठविण्यात आला.
आखाती देशांकरिता संत्र्यांचा पहिला कंटेनर पाठविण्यात आला.  
मुख्य बातम्या

नागपूर, अमरावती जिल्ह्यातील शेतकऱ्यांनी केला सहा टन संत्रा निर्यात

टीम अॅग्रोवन

नागपूर  ः शेतकऱ्यांनीच प्रथमच पुढाकार घेत संत्रा निर्यात केला आहे. सुमारे सहा टन संत्रा आखाती देशात पाठविण्यात आला असून, खर्च आणि नफ्याची विभागणी समान प्रमाणात करण्यात येणार आहे. शनिवारी (ता. १५) नागपुरी संत्रा आखाती देशातील बाजारपेठेत उपलब्ध होणार असल्याची माहिती सूत्रांनी दिली. 

संत्रा निर्यातीच्या चर्चेचे गुऱ्हाळ अनेकदा रंगले, परंतु प्रत्यक्षात निर्यात मात्र अपेक्षित प्रमाणात झाली नाही. वनामतीचे संचालक तसेच नागपूरचे जिल्हाधिकारी रवींद्र ठाकरे यांनी  संत्रा निर्यातीला चालना मिळावी याकरिता निर्यातीकरिता इच्छुकांसाठी कार्यशाळेचे आयोजन केले होते. माजी केंद्रीय कृषिमंत्री शरद पवार, तसेच केंद्रीय मंत्री नितीन गडकरीदेखील संत्रा निर्यातीसाठी प्रयत्नशील आहेत.

या साऱ्या घडामोडी सुरू असतानाच नागपूर, अमरावती जिल्ह्यांतील शेतकऱ्यांनी पुढाकार घेत सहा टन संत्रा कंटेनरच्या माध्यमातून जलमार्गाने आखाती देशात निर्यात केला आहे. निर्यातीकरिता इच्छुक शेतकऱ्यांकडून प्रत्येकी ५०० किलो संत्रा घेण्यात आला. निर्यातीसाठी लागणारा खर्च तसेच नफा यांची विभागणी संत्रा उत्पादकांमध्ये केली जाणार असल्याचे सूत्रांनी सांगितले.

टोमॅटो आणि मिरचीचीही निर्यात एका कंटेनरची क्षमता १७ टन असते. निर्यातीसाठी ६ टन संत्री उपलब्ध झाल्याने या कंटेनरमध्ये मिरची आणि टोमॅटोदेखील भरण्यात आले आहे. मैत्राय शेतकरी उत्पादक कंपनीचे प्रफुल्ल बांडबुचे तसेच कृषी समृद्धी शेतकरी कंपनीचे रवी पाटील यांनी त्यासाठी प्रयत्न केले.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Mahavitaran : ‘महावितरण’च्या यंत्रचालक, तंत्रज्ञांचा विशेष गौरव

Nagpur Lok Sabha : ...तर मतदानात वाढ झाली असती

Sangli Lok Sabha Election : सांगली लोकसभा मतदार संघात १६६८ दिव्यांग, ज्येष्ठांचे मतदान

Co-operative Credit Society : सांगलीतील २३१ सोसायट्यांचे संगणकीकरण मेअखेर पूर्ण करा

Water Tanker Bill : टॅंकरने पाणी पुरविणाऱ्यांची १५ कोटींचे देयके थकली

SCROLL FOR NEXT