वसंतदादा सहकारी साखर कारखान्याच्या  २२ संचालकांची निर्दोष मुक्तता Vasantdada Cooperative Sugar Factory Innocent release of 22 directors 
मुख्य बातम्या

वसंतदादा सहकारी साखर कारखान्याच्या  २२ संचालकांची निर्दोष मुक्तता 

देवळा तालुक्यातील विठेवाडी येथील वसंतदादा पाटील साखर कारखान्याच्या बावीससंचालकांची न्यायालयाने निर्दोष मुक्तता केली आहे.निर्यातदाराने साखर निर्यात करण्याऐवजीदेशांतर्गत बाजारात विकून कारखान्याचे नुकसान केले होते.

टीम अॅग्रोवन

नाशिक : देवळा तालुक्यातील विठेवाडी येथील वसंतदादा पाटील साखर कारखान्यातील संचालक मंडळाने निर्यातीसाठी साखर ५५ हजार क्विंटल साखर दिली होती. मात्र निर्यातदाराने देशांतर्गत बाजारात विकून कारखान्याचे नुकसान केल्याप्रकरणी निर्यातदार व तत्कालीन संचालक मंडळावर आरोपपत्र दाखल करण्यात आले होते. यामधील सर्व २२ संचालकांची सटाणा न्यायालयाने निर्दोष मुक्तता केली.      वसंतदादा पाटील साखर कारखान्याच्या संचालक मंडळाने केंद्र सरकारच्या परवानगीने ५५ हजार क्विंटल साखर निर्यातीसाठी निर्यातदार  व्यापाऱ्याला विकली होती. मात्र ही साखर निर्यातदाराने  देशांतर्गत विकून १ कोटी रुपयापेक्षा अधिक नफा कमावला. या बाबत तक्रार झाल्याने शासनाच्या वतीने व्यापारी आणि तत्कालीन संचालक मंडळाविरुद्ध नाशिकचे जिल्हाधिकारी यांनी साखर नियंत्रण आदेशाचे उल्लंघन करून जीवनावश्यक वस्तू कायद्यानुसार सटाणा न्यायालयात आरोप पत्र दाखल केले होते. या प्रकरणाची अंतिम सुनावणी होऊन सटाणा न्यायालयाचे न्यायाधीश विक्रम आव्हाड यांच्या न्यायालयात झाली. त्यांनी या खटल्यात गुरुवार (ता. १६) रोजी सर्व २२ आरोपींची पुराव्याअभावी  निर्दोष मुक्तता केली. माजी आरोग्यमंत्री दिवंगत डॉ. दौलतराव आहेर यांच्या नेतृत्वाखाली संचालक मंडळ कार्यरत असताना हे वादग्रस्त प्रकरण उद्भवले होते. हा खटला सन २००८ पासून सटाणा न्यायालयात सुरू होता. दरम्यानच्या काळात डॉ. दौलतराव आहेर व इतर ४ संचालकांचे निधन झाले. तब्बल १२ वर्षे  चाललेल्या या खटल्यात कळवण, सटाणा, मालेगाव व देवळा या चारही तालुक्यातील प्रमुख नेते डॉ. दौलतराव आहेर, पोपटराव वाघ, विश्वासराव देवरे, नारायण पाटील, मंजुळाबाई पगार, तुळशीराम बिरारी, सुधाकर पाटील, शशिकांत पवार, संतोष मोरे, धनसिंग वाघ, फुला जाधव, बाजीराव पवार आदी संचालकसह साखर विभागाकडील अधिकारी व कर्मचारी आरोपी करण्यात आले होते.  

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT