नांदेड ः नांदेड, परभणी, हिंगोली जिल्ह्यांतील अनेक मंडळांमध्ये सलग तिसऱ्या दिवशी वादळी वारे, अवकाळी पावसामुळे शेतीपिके तसेच फळपिकांचे नुकसान झाले.

नांदेड जिल्ह्यातील देगलूर, मुखेड, कंधार, लोहा तालुक्यातील १४ मंडळांमध्ये हलका ते मध्यम स्वरुपाचा पाऊस झाला. परभणी जिल्ह्यातील पूर्णा, गंगाखेड, मानवत, पालम तालुक्यातील ८ मंडळांमध्ये वादळी वाऱ्यासह हलका ते मध्यम पाऊस झाला.

हिंगोली जिल्ह्यातील सेनगाव, कळमनुरी, वसमत तालुक्यातील ७ मंडळांमध्ये हलका ते मध्यम पाऊस झाला. सलग तीन दिवसांपासून वादळी वाऱ्यासह पाऊस येत असल्याने रब्बी सुगी तसेच हळद काढणीच्या कामे खोळंबत आहेत. वाऱ्यामुळे फळगळ होऊन मोठे नुकसान होत आहे. त्यामुळे या तीन जिल्ह्यातील शेतकरी धास्तावले आहेत.

मंळनिहाय पाऊस (मिलिमीटरमध्ये) नांदेड जिल्हा ःनांदेड जिल्हा ः देगलूर ११, खानापूर २, शहापूर १६, मुखेड २, येवती २ मुक्रमाबाद २, कंधार ३, उस्माननगर ७, बारुळ २, पेठवडज २, फुलवळ १०, लोहा ९, कलंबर १२, सोनखेड ५. परभणी जिल्हा ः पालम १, पूर्णा ३, ताडकळस ५, लिमला २१, चुडावा २, गंगाखेड १४, माखणी २, कोल्हा ६. हिंगोली जिल्हा ः गोरेगाव ०.२५, पानकनेरगाव ३.२५, हत्ता ०.२५, वसमत ०.५०, नांदापूर १, आखाडा बाळापूर ०.२५, वारंगा ०.२५.