नांदेड : जिल्ह्यात मंगळवारपर्यंत (ता. ९) ३ लाख ३९ हजार ३३३ हेक्टरवर (४१.१४ टक्के) खरीप पिकांची पेरणी झाली आहे. पेरणी क्षेत्रात सोयाबीन १ लाख ४० हजार १७७ हेक्टर, कपाशी १ लाख ३८ हजार ६७३ हेक्टर, तर १९ हजार २४६ हेक्टर तुरीचा समावेश आहे. नियोजित पेरणी क्षेत्राच्या तुलनेत मुखेड तालुक्यात सर्वात कमी, तर बिलोली तालुक्यात सर्वाधिक पेरणी झाली, अशी माहिती कृषी विभागाच्या सूत्रांनी दिली.

जिल्ह्यात यंदा ८ लाख २४ हजार ८२० हेक्टरवर पेरणी नियोजित आहे. पावसाअभावी अजूनही अनेक मंडळातील पेरण्या रखडलेल्या आहेत. मंगळवारपर्यंत ३ लाख ३९ हजार ३३३ हेक्टरवर (६.११ टक्के) पेरणी झाली. तृणधान्यांची एकूण ७ हजार ३३७ हेक्टरवर पेरणी झाली. त्यामध्ये भात २३३ हेक्टर (५.५६ टक्के), ज्वारी ६ हजार ७५१ हेक्टर (६.०१ टक्के), मका ३५५ हेक्टर (३५.५३ टक्के) आहे.

कडधान्यांची ५३ हजार १३२ हेक्टरवर (३४.४९ टक्के) पेरणी झाली. त्यामध्ये तूर २९ हजार २४६ हेक्टर (४१.८४ टक्के), मूग १२ हजार ४७१ हेक्टर (४१.६४ टक्के), उडीद ११ हजार १३१ हेक्टरवर (२२.११ टक्के) आहे. गळितधान्य पिकांची १ लाख ४० हजार १९१ हेक्टरवर ((७०.४१ टक्के) पेरणी झाली. यामध्ये सोयाबीन १ लाख ४० हजार १७७ हेक्टर, तीळ १३ हेक्टर, कारळ १ हेक्टर आहे. कपाशीची १ लाख ३८ हजार ६७३ हेक्टरवर (४२.८३ टक्के) लागवड झाली. 

तालुकानिहाय पेरणी क्षेत्र