पुणे : शेतकऱ्यांना वाजवी किमतीत चांगल्या दर्जाचे कलमे, रोपे मिळावी या उद्देशाने राज्यातील फळे व मसाला पिकांच्या कलमे, रोपांचे विक्रीदर निश्चित करण्यात आले आहेत. विक्री दरामध्ये पाच ते वीस या दरम्यान वाढ करण्यात आली आहे. राज्यातील शासकीय, कृषी विद्यापीठे व खासगी रोपवाटिकांना विक्रीदर हे लागू राहणार आहे.  याशिवाय निश्चित केलेले दर महात्मा गांधी राष्ट्रीय ग्रामीण रोजगार हमी योजनेअंतर्गत फळबाग लागवड कार्यक्रम, तसेच विविध शासकीय योजनेअंतर्गत व किरकोळ विक्रीकरिता लागू असतील. यामध्ये कलमामधील (पिशवीतील) सुमारे २४ कलमाचा समावेश आहे. यात करवंद कलमाचा नव्याने समावेश करण्यात आला आहे. पिशवीविरहित रोपामधील बारा रोपांचा समावेश आहे. तर पिशवीतील पाच रोपांचा, तर दोन कलम कांड्याचा समावेश आहे.  राज्यात शासकीय १३६, कृषी विद्यापीठाच्या ४२ आणि खासगी ११९५ रोपवाटिका आहे. या रोपवाटिकामध्ये दरवर्षी एक कोटीहून अधिक रोपे तयार केली जातात. त्याच्या विक्रीतून जवळपास वीस ते पंचवीस कोटी रुपयांची उलाढाल होते. मात्र, खासगी रोपवाटिकाधारक रोपांची विक्री ठरविलेल्या दरापेक्षाही अधिक रक्कम घेऊन विक्री करतात. त्यावर बंधन असण्यासाठी आणि शेतकऱ्यांकडून आगाऊ रक्कम घेऊ नये यासाठी हे दर निश्चित केले जातात. राज्यातील कोणत्याही रोपवाटिकाधारकांनी ठरविलेल्या किमतीपेक्षा अधिक रक्कम घेऊ नये, तसे आढळल्यास किंवा कृषी विभागाकडे तक्रार दाखल केल्यास संबंधित रोपवाटिका धारकांवर कारवाई करण्यात येईल, अशी माहिती कृषी विभागाच्या सूत्रांनी दिली आहे.   फळे, मसाला पिकांच्या कलमे, रोपांचे जाहीर केलेले दर (प्रतिरोप, कलम/रुपये)