नांदेड : जिल्ह्यात मागील पाच दिवसांपासून पाऊस सुरू आहे. गुरुवारी (ता. २३) नांदेड तालुक्यात झालेल्या जोरदार पावसानंतर शुक्रवारी (ता. २४) किनवट, माहूर, नांदेड व हदगाव तालुक्यांत पाऊस झाला. यासोबतच मुखेड, अर्धापूर, कंधार, धर्माबाद, नायगाव, मुदखेड तालुक्यांतही पावसाने हजेरी लावली. शनिवारी (ता. २५) सकाळी साडेदहा वाजता संपलेल्या २४ तासांत जिल्ह्यात सरासरी ७.३० मिलिमीटर पावसाची नोंद झाली.

जिल्ह्यात मागील सोमवारपासून पावसाची संततधार चालू आहे. या पावसामुळे खरिपातील पिकांना बाधा पोहोचत आहे. सोमवारपासून सुरू असलेल्या पावसाचा मुक्काम वाढल्याने शेतकरी धास्तावले आहेत. शुक्रवारी किनवट, माहूर, नांदेड व हदगाव तालुक्यांत चांगला पाऊस झाला.

यासोबतच मुखेड, अर्धापूर, कंधार, धर्माबाद, नायगाव, मुदखेड तालुक्यांतही पावसाने हजेरी लावली. शुक्रवारचा पाऊस जांब मंडलात ५५ मिलिमीटर झाला. तर तामसा ५१, वसरणी ३९, वाजेगाव ३३, आष्टी २९, दहेली २८, वाई २७, माहूर २०, निवघा १८ मिलिमीटर पावसाची नोंद झाली. चोवीस तासांत सरासरी ७.३० मिलिमीटर झाला. जिल्ह्यात आजपर्यंत वार्षिक सरासरीच्या १०३४ मिलिमीटरनुसार ११६.५७ टक्के पावसाची नोंद झाली.

तालुकानिहाय पाऊस

नांदेड १३, बिलोली ०.६०, मुखेड ११.९०, कंधार ५.२०, लोहा ३.८०, हदगाव १८, भोकर ३, देगलूर ०.८०, किनवट ११.५०, मुदखेड ३.४०, हिमायतनगर ३.४०, माहूर १४.५०, धर्माबाद ६.३०, उमरी १.४०, अर्धापूर ५.४०, नायगाव ६.