नाशिक  : जिल्ह्यात चालू वर्षी खरीप कांदा लागवडीचा कालावधी थोडा पुढे गेला आहे. या आठवड्यात पावसाचा जोर वाढल्यामुळे खरिपातील कांदा लागवड अडचणीत आली आहे. 

जिल्ह्यातील चांदवड, मालेगाव, निफाड व येवला या तालुक्यांमधील कांदा लागवडीला पावसामुळे फटका बसला आहे, तसेच लागवडी विरळ होत आहेत. त्यामुळे जर असाच पाऊस राहिला तर लागवडी पूर्णपणे अडचणीत येण्याची शक्यता कांदा उत्पादकांनी व्यक्त केली आहे.  मागील आठवड्यापासून जिल्ह्यात पावसाचा जोर कायम आहे. त्यामुळे या पावसामुळे कांद्याच्या वाफ्यांमध्ये पाणी साचून राहिले आहे. त्यामुळे ऑगस्टच्या शेवटी व सप्टेंबर महिन्यातील नवीन लागवडींना मोठा फटका बसला आहे. या लागवडीची रोपे पिवळी पडत असून, रोपांच्या मुळ्या सडून जात आहेत. परिणामी खरीप लाल कांद्याचे उत्पादन मोठ्या प्रमाणावर घटण्याची शक्यता निर्माण झाली आहे. 

या आहेत प्रमुख अडचणी