नांदेड : नांदेड, परभणी, हिंगोली जिल्ह्यांतील १४५ मंडळांमध्ये शनिवारी (ता. २७) सकाळी आठपर्यंतच्या २४ तासांत मध्यम ते जोरदार पाऊस झाला. अनेक दिवसांच्या खंडानंतर सर्वदूर पाऊस झाल्याने खरीप पिकांना जीवदान मिळाले. त्यामुळे शेतकऱ्यांच्या चेहऱ्यावर समाधान पहायला मिळाले. 

शुक्रवार (ता. २६) ते शनिवारी (ता. २७) सकाळपर्यंत २४ तासांत नांदेड जिल्ह्यातील १६ तालुक्यातील ७६ मंडळांत हलका ते जोरदार पाऊस झाला. हिमायतनगर तालुक्यात मुसळधार पाऊस झाला. किनवट तालुक्यातील शिवणी मंडळात ७५ मिलिमीटर, हिमायतनगर मंडळात ७१, सरसम मंडळात ६६ मिलिमीटर पाऊस झाला. नांदेड, अर्धापूर, मुदखेड, हदगाव, किनवट, हिमायतनगर, भोकर, अर्धापूर, उमरी, नायगाव, बिलोली, मुखेड, कंधार, लोहा आदी तालुक्यातील अनेक मंडळांत पावसाचा जोर राहिला. 

परभणी जिल्ह्यातील सर्व ९ तालुक्यांतील ३९ मंडळांमध्ये पाऊस झाला. परभणी, जिंतूर, सेलू , मानवत, पाथरी, सोनपेठ, गंगाखेड पालम, पूर्णा तालुक्यात सर्वदूर पाऊस झाला. सेलू मंडळामध्ये सर्वाधिक ४० मिलिमीटर पाऊस झाला. हिंगोली जिल्ह्यातील सर्व ५ तालुक्यांतील ३० मंडळांमध्ये मध्यम ते जोरदार पाऊस झाला. हिंगोली, कळमनुरी, सेनगाव, औंढा नागनाथ, वसमत तालुक्यातील अनेक मंडळांमध्ये पावसाचा जोर राहिला. 

मंडळनिहाय पाऊस (मि.मी.)