पुणे : विधासभा निवडणुकीतील महायुती आणि आघाडीच्या जागा वाटपानंतर उमेदवारांच्या याद्या जाहीर होऊ लागल्या आहेत. त्यामुळे जिल्ह्यातील बहुतांश लढती स्पष्ट झाल्‍या आहेत. राष्ट्रवादीच्या जाहीर झालेल्या यादीमधून जुन्नर, आंबेगाव खेड, शिरूरच्या लढती स्पष्ट झाल्या आहेत. आंबेगावमधील शिवसेनेच्या उमेदवाराची उत्सुकता संपली असून, दुपारी राजाराम बाणखेले यांच्या उमेदवारीवर शिक्कामोर्तब झाले. 

इंदापूर, दौंड, बारामती, भोर, मावळ, पुरंदरच्या लढती या अगोदरच स्पष्ट झाल्या आहेत. गुरुवारी (ता. ३) जिल्‍ह्यात जुन्नरमधून राष्ट्रवादी काँग्रेसचे उमेदवार अतुल बेनके, आंबेगावमधून राष्ट्रवादीकडून दिलीप वळसे पाटील, इंदापूरमधून भाजपचे हर्षवर्धन पाटील यांनी आपला उमेदवारी अर्ज दाखल केला. या दोन्ही उमेदवारांनी शक्तिप्रदर्शन आणि जाहीर सभा घेत उमेदवारी अर्ज दाखल केले. 

पुणे शहरात सेनेची मनसेला छुपी साथ? 

शिवसेनाप्रमुख दिवंगत बाळासाहेब ठाकरे यांचे जन्मस्थान असलेल्या पुणे शहरात शिवनेनेला एकही जागा न मिळाल्याने शिवसैनिक अस्वस्थ आहेत. ते भाजपवरील राग मनसेला छुपी साथ देऊन व्यक्त करण्याची शक्यता आहे. मनसेचे उमेदवार हे पूर्वीश्रमीचे शिवसैनिकच असल्याने महाराष्ट्र सैनिक आणि शिवसैनिक यांच्यातील ऋणानुबंध कायम आहेत. यामुळे मनसेला शिवसैनिकांची छुपी साथ मिळाल्यास एक दोन ठिकाणी यश मिळू शकते, असे राजकीय निरीक्षकांनी सांगितले.

अशा असतील प्रमुख लढती...