Heavy rains in two circles in Jalna, Aurangabad
Heavy rains in two circles in Jalna, Aurangabad 
मुख्य बातम्या

जालना, औरंगाबादमधील दोन मंडळात अतिवृष्टी

टीम अॅग्रोवन

औरंगाबाद : काही दिवसांपासून मराठवाड्याच्या बहुतांश भागात पावसाचा कमी-अधिक प्रमाणात असलेला जोर शुक्रवारी (ता. २५) सकाळपर्यंतच्या २४ तासांत काही अंशी कमी झाल्याचे चित्र आहे. औरंगाबादमधील पाचोड व जालन्यातील सुखापुरी या दोन मंडळांत अतिवृष्टी झाली. तर, इतर मंडळांत तुरळक पाऊस झाला. 

औरंगाबाद जिल्ह्यातील ३९ मंडळांत पावसाने हजेरी लावली. ३८ मंडळांत तुरळक, हलका, मध्यम स्वरूपाचा पडलेला पाऊस पाचोड मंडळात तब्बल १२८ मिलिमीटर बरसला. धगफुटीगत झालेल्या या पावसाने शेतीपिकाचे मोठे नुकसान झाले. जालना जिल्ह्यातील २२ मंडळात पावसाची हजेरी लागली.

जिल्ह्यातील सुखापुरी मंडळात ६८.३ मिलिमीटर इतका पाऊस झाला. बीड जिल्ह्यातील ३४ मंडळांत तुरळक हलका, मध्यम पाऊस झाला. लातूर जिल्ह्यातील ३५, नांदेडमधील २३, परभणीतील २१ मंडळात हलका पाऊस झाला. हिंगोली जिल्ह्यातील आंबा मंडळात २४.८,जवळा मंडळात ३३ मिलिमीटर व इतर २६ मंडळात तुरळक हलका पाऊस झाला.

गुरुवारी जोरदार पावसामुळे कडेठाण, सुलतानपूर, पारुंडी परिसरातील पिकांचे मोठ्या प्रमाणात नुकसान झाले. पावसाने शेतकऱ्यांच्या हातातोंडाशी आलेला घास हिरावून नेला. आडूळ परिसरात सातत्याने जोरदार पाऊस पडत आहे. 

कपाशीच्या पिकात पाणी तुंबल्याने बोन्डे काळी पडून सडली आहेत. यामुळे अतोनात नुकसान झाले. बाजरी आडवी पडली आहे. निसर्गापुढे हतबल झालो आहे.  - विकास तवार, शेतकरी, कडेठाण. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Mahavitaran : ‘महावितरण’च्या यंत्रचालक, तंत्रज्ञांचा विशेष गौरव

Nagpur Lok Sabha : ...तर मतदानात वाढ झाली असती

Sangli Lok Sabha Election : सांगली लोकसभा मतदार संघात १६६८ दिव्यांग, ज्येष्ठांचे मतदान

Co-operative Credit Society : सांगलीतील २३१ सोसायट्यांचे संगणकीकरण मेअखेर पूर्ण करा

Water Tanker Bill : टॅंकरने पाणी पुरविणाऱ्यांची १५ कोटींचे देयके थकली

SCROLL FOR NEXT