परभणी : वसंतराव नाईक मराठवाडा कृषी विद्यापीठातील अखिल भारतीय समन्वयित संशोधन प्रकल्प (गृहविज्ञान) आणि रिलायन्स फाउंडेशनतर्फे आयोजिलेल्या ‘ऑडिओ कॉन्फरन्‍स’व्‍दारे तज्ज्ञांनी शेतकरी महिलांशी संवाद साधला.

लॉकडाउनमध्ये शेती कामे करताना घ्यावयाची काळजी, महिला आणि बालकांच्या आरोग्य आदीबाबत सोमवारी विद्यापीठातील तज्ज्ञांनी शेतकरी महिलांना मार्गदर्शन केले. 

या कार्यक्रमात १९ गावांतील ५९ महिलांनी सहभाग घेतला. तसनिम नाहिद खान, डॉ. सुनिता काळे, डॉ. जयश्री रोडगे, डॉ. एस. जी. पुरी यांनी मार्गदर्शन केले. मुलांचा आहार, कपड्यांचा योग्य वापर, आहारात सोयाबीनचा वापर, नवजात बालक, मातेची काळजी, वैयक्तिक स्वच्‍छता, शेतात काम करतानाच्या उपाययोजना, महिला उद्योग आदींबाबत महिलांनी तज्ज्ञांना प्रश्न विचारले. फाउंडेशनचे परभणी जिल्हा व्यवस्थापण विलास सवाणे, कार्यक्रम सहायक रामजी राऊत यांनी पुढाकार घेतला.