संग्रहित छायाचित्र
संग्रहित छायाचित्र 
मुख्य बातम्या

रब्बी क्षेत्रात चार लाख हेक्टरने वाढीची शक्यता

मनोज कापडे

पुणे : राज्यात खरीप पिकाखालील क्षेत्र दुबार पिकाखाली आणण्याचा प्रयत्न कृषी विभागाकडून केला जाणार आहे. त्यामुळे रब्बीच्या क्षेत्रात यंदा चार लाख हेक्टरने वाढ होण्याची शक्यता आहे. दिल्लीत केंद्रीय कृषी मंत्रालयाच्या आढावा बैठकीतदेखील दुबार क्षेत्र वाढीबाबत विविध राज्यांना सूचना देण्यात आल्या आहेत. 

केंद्रीय कृषी मंत्रालयाने विविध राज्यांच्या रब्बी नियोजनाची माहिती घेतली आहे. महाराष्ट्रत मात्र रब्बी ज्वारी आणि गव्हापेक्षा जास्त भर हरभरा क्षेत्र वाढविण्याकडे राहणार आहे. खरिपाखालील एकूण क्षेत्र देखील दुबार पिकांकडे जास्तीत जास्त वळविण्याचा देखील प्रयत्न सुरू आहे, अशी माहिती सूत्रांनी दिली. 

राज्यात सध्या दुबार पेरणीखालील क्षेत्र ५५ लाख हेक्टरच्या आसपास आहे. यंदाचा चांगला पाऊस झाल्यामुळे या क्षेत्रात किमान ५९ लाख हेक्टरपर्यंत वाढ करण्याचे नियोजन आहे. त्यात मुख्यत्वे हरभरा आणि त्यानंतर गहू व ज्वारीचा समावेश आहे. दरम्यान, एका वरिष्ठ अधिकाऱ्याच्या म्हणण्यानुसार ''यंदा पाऊस चांगला झाल्यामुळे दुबार क्षेत्र वाढू शकते. मात्र, कायमस्वरूपी वाढ अपेक्षित असल्यास दीर्घकालीन उपाययोजना कराव्या लागतील. त्यासाठी धरणांचे पाणी जास्तीत जास्त शेतकऱ्यांपर्यंत पोचविणे व ठिबक तंत्राचा वेगवान प्रसार करावा लागेल. 

उत्तर भारतातील गहू उत्पादक राज्यांमध्ये रब्बी हंगामाची जोरदार पूर्वतयारी सुरू आहे. त्या तुलनेत महाराष्ट्रात गव्हाऐवजी हरभरा उत्पादनावर भर दिला जाणार आहे, असे दिल्लीतील बैठकीतून परतलेल्या अधिकाऱ्यांचे म्हणणे आहे. पिकांचे अवशेष म्हणून भुसा, पऱ्हाट्या, तुराट्या किंवा उसाचे पाचट जाळून न टाकता कुजवून कंपोस्ट खत तयार करण्यास व त्याच्या वापरास प्रसार करण्यासाठी देखील भर रबी हंगामात दिला जाणार असल्याचे सूत्रांनी स्पष्ट केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Mahavitaran : ‘महावितरण’च्या यंत्रचालक, तंत्रज्ञांचा विशेष गौरव

Nagpur Lok Sabha : ...तर मतदानात वाढ झाली असती

Sangli Lok Sabha Election : सांगली लोकसभा मतदार संघात १६६८ दिव्यांग, ज्येष्ठांचे मतदान

Co-operative Credit Society : सांगलीतील २३१ सोसायट्यांचे संगणकीकरण मेअखेर पूर्ण करा

Water Tanker Bill : टॅंकरने पाणी पुरविणाऱ्यांची १५ कोटींचे देयके थकली

SCROLL FOR NEXT